ભરૂચ : ઝઘડીયા GIDC વિસ્તારને જોડતા સ્ટેટ હાઇવે પર 3 ફૂટ ઉંડા ખાડા પડતાં માર્ગ બિસ્માર, વાહનચાલકોને હાલાકી...

ઝઘડીયા GIDC વિસ્તારને જોડતો સ્ટેટ હાઇવે બિસ્માર, 2થી 3 ફૂટ ઉંડા ખાડા પડી જતાં વાહનચાલકોને હાલાકી.

New Update
ભરૂચ : ઝઘડીયા GIDC વિસ્તારને જોડતા સ્ટેટ હાઇવે પર 3 ફૂટ ઉંડા ખાડા પડતાં માર્ગ બિસ્માર, વાહનચાલકોને હાલાકી...

ભરૂચ જિલ્લાના ઝઘડીયા GIDC, કપલસાડી અને ફુલવાડી ગ્રામ્ય વિસ્તારને સ્ટેટ હાઇવે સાથે જોડતા મુખ્ય માર્ગ પર મસમોટા ખાડા પડી જતાં ગ્રામજનો સહિત વાહનચાલકો હેરાન પરેશાન થઈ ઉઠ્યા છે.

ભરૂચ જિલ્લાના ઝઘડીયા GIDC, કપલસાડી અને ફુલવાડી ગ્રામ્ય વિસ્તારમાં ભારે વરસાદ વરસ્યા બાદ મુખ્ય માર્ગ પર મસમોટા ખાડા પડી ગયા છે. આ સ્ટેટ હાઇવેથી કપલસાડી, ફુલવાડી અને GIDC વિસ્તારને જોડતા મુખ્ય માર્ગ છે, જ્યાં રેલ્વે ગરનાળા નીચેના માર્ગ પર 2થી 3 ફૂટ ઉંડા અને પહોળા ખાડા પડી જતાં વાહનચાલકો પરેશાન થઈ રહ્યા છે.

ઝઘડિયા GIDCમાં જવાનો આ મુખ્ય માર્ગ હોય, ત્યારે આ માર્ગ પરથી રોજના હજારો વાહનો પસાર થાય છે. વાહનો પસાર થવા માટે રેલ્વે દ્વારા ગળનાળુ બનાવવામાં આવ્યું છે. પરંતુ આ ગળનાળામાં વરસાદી પાણી ભરાઈ જતા હોય છે. જેનો કોઈ યોગ્ય નિકાલ નહીં હોવાથી માર્ગ બિસ્માર બન્યો છે.

વર્ષોથી આ ગરનાળામાં મસમોટા ખાડાઓ પડી ગયા છે. જેની વારંવાર રજૂઆત કરવા છતાં રેલ્વે દ્વારા માર્ગનું સમારકામ હાથ ધરવામાં આવતું નથી. જેના કારણે વાહનચાલકોની હાલત કફોડી બની છે, ત્યારે તાકિદે આ માર્ગનું સમારકામ હાથ ધરાય તેવી સ્થાનિકો દ્વારા માંગ કરવામાં આવી છે.

Read the Next Article

ભરૂચ જિલ્લા પંચાયત ડ્રાઇવર એસોસિએશન દ્વારા નિવૃત ડ્રાઇવરો માટે સન્માન સમારોહ યોજાયો...

ભરૂચ જિલ્લાના પંચાયત સભાખંડ ખાતે જિલ્લા પંચાયત ડ્રાઇવર એસોસિએશન દ્વારા નિવૃત ડ્રાઇવરો માટે સન્માન સમારોહનું આયોજન કરવામાં આવ્યું હતું.

New Update
  • જિલ્લા પંચાયત સભાખંડ ખાતે યોજાયો વિશેષ કાર્યક્રમ

  • જિલ્લા પંચાયત ડ્રાઇવર એસોસિએશન દ્વારા આયોજન

  • નિવૃત ડ્રાઇવરો માટે સન્માન સમારોહનું આયોજન કરાયું

  • ડ્રાઇવર એસોસિએશનના અધ્યક્ષ રહ્યા વિશેષ ઉપસ્થિત

  • સરકાર સમક્ષ ડ્રાઇવર વર્ગની સમસ્યા રજૂ કરવાનો ઉદ્દેશ્ય

ભરૂચ જિલ્લાના પંચાયત સભાખંડ ખાતે જિલ્લા પંચાયત ડ્રાઇવર એસોસિએશન દ્વારા નિવૃત ડ્રાઇવરો માટે સન્માન સમારોહનું આયોજન કરવામાં આવ્યું હતું.

ભરૂચ જિલ્લાના પંચાયત સભાખંડમાં જિલ્લા પંચાયત ડ્રાઇવર એસોસિએશન દ્વારા વિશેષ કાર્યક્રમનું આયોજન કરવામાં આવ્યું હતું. કાર્યક્રમની શરૂઆતમાં અવસાન પામેલા ડ્રાઇવરોના સ્મરણાર્થે 2 મિનિટનું મૌન પાળવામાં આવ્યું હતું. ત્યારબાદ ભરૂચ જિલ્લા પંચાયત ડ્રાઇવર એસોસિએશનના અધ્યક્ષ કનુ વાળંદ અને ભુપેન્દ્ર પરમારની આગેવાની હેઠળ નિવૃત ડ્રાઇવરો માટે સન્માન સમારોહ યોજાયો હતો. આ સાથે જ ડ્રાઇવર કેડરના ઘટતા પ્રમાણ અને તેની પરિસ્થિતિ અંગે ચર્ચા વિચારણા કરવામાં આવી હતી.

આ પ્રસંગે મુખ્ય અતિથિ બેચર રાઠોડે જણાવ્યું હતું કે, “નિવૃત થયેલા ડ્રાઇવરોને સરકાર તરફથી મળતી રિટાયરમેન્ટ સ્કીમના તમામ હકો સમયસર અને યોગ્ય રીતે મળી રહે તે જરૂરી છે. જેથી તેમનું જીવન સુખમય બની રહે.” આ કાર્યક્રમનો ઉદ્દેશ માત્ર સન્માન નથી. પરંતુ રાજ્ય સરકાર અને તંત્ર સમક્ષ ડ્રાઇવર વર્ગની જરૂરિયાતો અને સમસ્યાઓ રજૂ કરવાનો પણ હતો.