Connect Gujarat
બિઝનેસ

GST કલેક્શનનો મોટો રેકોર્ડ, દેશમાં જુલાઈ માસમાં રૂ.1.49 લાખ કરોડની આવક

દેશના ટેક્સ માળખામાં કરવામાં આવેલ અને સૌથી મોટા રીફોર્મ સાથે લાગુ થયેલ ગુડ્સ એન્ડ સર્વિસ ટેક્સને 5 વર્ષ થયા છે.

GST કલેક્શનનો મોટો રેકોર્ડ, દેશમાં જુલાઈ માસમાં રૂ.1.49 લાખ કરોડની આવક
X

દેશના ટેક્સ માળખામાં કરવામાં આવેલ અને સૌથી મોટા રીફોર્મ સાથે લાગુ થયેલ ગુડ્સ એન્ડ સર્વિસ ટેક્સને 5 વર્ષ થયા છે. જીએસટીની પાંચમી વર્ષગાંઠ 1લી જુલાઈ, 2022 ના રોજ ઉજવવામાં આવી હતી અને હવે આજે આવેલા જુલાઈ માસના જીએસટી કલેક્શન આંકડા પણ રેકોર્ડ કર્યો છે

જુલાઈ માટે દેશમાં GST કલેક્શન સતત પાંચમા મહિને રૂ. 1.4 લાખ કરોડથી વધુ રહ્યું છે. જુલાઈ 2022 ના મહિના માં GST ની કુલ આવક રૂ. 1,48,995 કરોડ રહી હતી. આ આંકડો ગુડ્સ એન્ડ સર્વિસ ટેક્સ લાગુ થયા બાદ નું ઈતિહાસનું બીજા ક્રમનું સૌથી વધુ કલેક્શન છે સરકાર દ્વારા સોમવારે જારી કરવામાં આવેલા ડેટા મુજબ જુલાઈની આવકનો આંકડો ગયા વર્ષના સમાન મહિનાની રૂ. 1,16,393 કરોડની આવક કરતાં 28% વધુ છે.જીએસટીના કુલ કલેક્શનમાં CGST રૂ. 25,751 કરોડ, SGST રૂ. 32,807 કરોડ, IGST રૂ. 79,518 કરોડ છે અને સેસ આયાત પર એકત્ર કરેલા રૂ. 995 કરોડ સહિત કુલ રૂ. 10,920 કરોડ છે.આ મહિના દરમિયાન માલની આયાત માંથી આવક 48% વધી હતી અને સર્વિસ ના ઈમ્પોર્ટની સાથે સ્થાનિક આવક ગયા વર્ષના સમાન મહિના કરતા 22% વધુ છે.નાણા મંત્રાલયે જુલાઈ માસના આંકડા રજૂ કરતી વખતે આનંદ વ્યક્ત કરતા જણાવ્યું કે "સતત પાંચમા મહિને GST આવક રૂ. 1.4 લાખ કરોડ કરતાં વધુ રહી છે. ગત વર્ષના સમાન સમયગાળા ની સરખામણીએ 2022 ના જુલાઈ મહિના સુધીની GST આવકમાં 35% વૃદ્ધિ નોંધાઈ છે

Next Story