1 એપ્રિલે કામદા એકાદશી અને શનિવારનો અનોખો સંયોગ,જાણો આ વ્રત વિશે...

હિંદુ પંચાંગ અનુસાર, હિંદુ નવ સંવત્સર 2080 નું પ્રથમ એકાદશી વ્રત એટલે કે ચૈત્ર મહિનાના સુદ પક્ષની એકાદશી તિથિએ કામદા એકાદશી વ્રત મનાવવામાં આવે છે. આ વ્રત 01 એપ્રિલ 2023, શનિવારના રોજ મનાવવામાં આવશે. કામદા એકાદશીના દિવસે ભગવાન વિષ્ણુ અને માતા લક્ષ્મીની પૂજા કરવાથી વ્યક્તિને સુખ-સમૃદ્ધિ મળે છે અને સાધકના તમામ પાપો દૂર થઈ જાય છે. એકાદશી અને શનિવાર એટ્લે સાથે સાનિદેવની પણ પુજા કરવાથી કુંડળીનાં ગ્રહો દોષ દૂર થાય છે.

Advertisment

ચૈત્ર સુદ પક્ષની એકાદશી આવતીકાલે સવારે 01:58 વાગ્યે શરૂ થશે અને તે 02 એપ્રિલના રોજ સવારે 04:19 વાગ્યે સમાપ્ત થશે. ઉદયા તિથિ અનુસાર, કામદા એકાદશી વ્રત 01 એપ્રિલના રોજ રાખવામાં આવશે અને 02 એપ્રિલના રોજ વ્રત મનાવવામાં આવશે. જ્યોતિષ શાસ્ત્ર અનુસાર કેટલાક સરળ ઉપાય અનુસાર, જેને અનુસરીને વ્યક્તિને વિશેષ લાભ મળે છે અને જીવનની પરેશાનીઓનો અંત આવે છે.

- જીવનમાં આવનારી આર્થિક તંગીને દૂર કરવા માટે કામદા એકાદશીના દિવસે ભગવાન વિષ્ણુના બીજ મંત્ર 'ઓમ નમો ભગવતે વાસુદેવાય નમઃ'ના 5 વખત જાપ કરો. આ દિવસે જરૂરિયાતમંદોને ભોજન અને પૈસાનું દાન પણ કરો.

- લગ્ન સંબંધી અવરોધોને દૂર કરવા માટે કામદા એકાદશીનું વ્રત રાખો અને ભગવાન વિષ્ણુ અને માતા લક્ષ્મીની પૂજા કરો. આ સાથે ભક્તોએ ભગવાન વિષ્ણુને બે આખી હળદર અર્પણ કરવી જોઈએ અને ઓછામાં ઓછા 108 વાર 'ઓમ કેશવાય નમઃ' મંત્રનો જાપ કરવો જોઈએ.

- કાર્યક્ષેત્રમાં આવતા અવરોધોને દૂર કરવા માટે સાધકે કામદા એકાદશીના દિવસે ભગવાન વિષ્ણુને ઓછામાં ઓછા 11 પીળા રંગના ફૂલ અર્પણ કરવા જોઈએ. આ સાથે પૂજા સમયે શ્રી વિષ્ણુ ચાલીસાનો પાઠ કરો. પછી વ્રતના બીજા દિવસે આ ફૂલોને આદરપૂર્વક જળમાં વહેવા દો. એવું માનવામાં આવે છે કે આમ કરવાથી આત્મવિશ્વાસ વધે છે અને લક્ષ્ય પ્રાપ્ત કરવું સરળ બને છે.