GSRTC ભરતી 2025 અંતર્ગત કંડક્ટર પોસ્ટની વિગતો, શૈક્ષણિક લાયકાત, વય મર્યાદા પગાર ધોરણ, અરજી પ્રક્રિયા સહિતની મહત્વની માહિતી આ લેખમાં આપેલી છે.

ગુજરાત એસટીમાં નોકરી મેળવવાની રાહ જોઈ રહેલા ઉમેદવારો માટે સારા સમાચાર આવી ગયા છે. ગુજરાત રાજ્ય માર્ગ વાહન વ્યવહાર નિગમ દ્વારા દિવ્યાંગ અનામતની જગ્યાઓ ભરવા માટે ખાસ ભરતીનું નોટિફિકેશન બહાર પાડ્યું છે. કંડક્ટર કક્ષાની કૂલ 571 જગ્યાઓ ભરવા માટે GSRTC એ ઉમેદવારો પાસે ઓનલાઈન અરજીઓ મંગાવી છે.

GSRTC ભરતી 2025 અંતર્ગત કંડક્ટર પોસ્ટની વિગતો, શૈક્ષણિક લાયકાત, વય મર્યાદા પગાર ધોરણ, અરજી પ્રક્રિયા સહિતની મહત્વની માહિતી આ લેખમાં આપેલી છે.

ગુજરાત રાજ્ય માર્ગ વાહન વ્યવહાર નિગમ કંડક્ટર કક્ષાના દિવ્યાંગ અનામતની જગ્યાઓની ઘટ ખાસ ભરતી ઝુંબેશથી સીધી ભરતી (ફીક્સ પગાર) અન્વયે પસંદગીયાદી-પ્રતીક્ષાયાદી તૈયાર કરવા માટે ફક્ત દિવ્યાંગ ઉમેદવારો પાસેથી ઓનલાઈન અરજી પત્રકો મંગાવવામાં આવે છે. આ માટે ઉમેદવારો https://ojas.gujarat.gov.in વેબસાઈટ ઉપર અરજી કરી શકશે.

Gujarat ST ભરતી 2025, શૈક્ષણિક લાયકાત

• ગુજરાત એસટી ભરતી અંતર્ગત કંડક્ટરની પોસ્ટ માટે અરજી કરનાર ઉમેદવારની શૈક્ષણિક લાયકાત ધોરણ 12 પાસ હોવી જોઈએ.
• આ ઉપરાંત પ્રાદેશિક વાહન વ્યવહાર કચેરી તરથી મળેલા કંડક્ટર લાઈસન્સ તથા બેઝ હોવો જરૂરી છે.

પગાર ધોરણ

• પસંદગી પામનાર ઉમેદારોને કંડક્ટર કક્ષામાં પાંચ વર્ષ માટે માસિક ₹26,000 ફિક્સ પગારથી કરાર આધારીત નિમણૂક અપાશે.
• ઉમેદવારો નિયમાનુસાર મળવાપાત્ર ભથ્થા કે લાભો સિવાયના કોઈપણ ભથ્થા કે લાભ મળવાપાત્ર રહેશે નહીં.
• પાંચ વર્ષની સેવા સંતોષકારક રીતે પુરી થયેલી કંડક્ટર કક્ષાનો નિગમમાં પ્રવર્તમાન જે મુળ પગાર અમલમાં હોય તે મુળ પગારમં નિયમિત નિમણૂક મેળવવા પાત્ર રહેશે.

વય મર્યાદા

આ ભરતી માટે અરજી કરનાર ઉમેદવારની ઉંમર ઓછામાં ઓછી 18 વર્ષ તથા વધુમાં વધુ 33 વર્ષ હોવી જોઈએ. તમામ પ્રકારની છુટછાટ સહિત 45 વર્ષ હોવી જોઈએ.