/connect-gujarat/media/post_banners/df279c2068d4e9dc070f7a33aed2d17418621872497df9dafd3b51244b7e2693.webp)
દેશના જાણીતા ફિલ્મ અભિનેતા સતીશ કૌશિકના આકસ્મિક મૃત્યુથી સૌ કોઈ ચોંકી ગયા છે તો એવામાં આ વચ્ચે પોલીસે આ મામલે નવો ખુલાસો કર્યો છે. મળતી જાણકારી મુજબ સતીશ કૌશિક જે હોળી પાર્ટીમાં ગયા હતા ત્યાં એમને કેટલાક વાંધાજનક દવાઓના પેકેટ મળી આવ્યા છે અને હવે પોલીસ આ એંગલથી પણ તપાસ કરી રહી છે. આ પછી પોલીસ સતીશ કૌશિકના વિગતવાર પોસ્ટ મોર્ટમ અને વિસેરા રિપોર્ટની રાહ જોઈ રહી છે. પોલીસે હોળી પાર્ટીમાં આવેલ મહેમાનોની લિસ્ટ પણ તૈયાર કરી છે. અને સાથે જ ધીરે ધીરે પોલીસ દરેક લોકો સાથે પૂછપરછ પણ કરવા માંગે છે. મહત્વનું છે કે પોલીસ એ ઉદ્યોગપતિ સાથે પણ પૂછપરછ કરવા માંગે છે જે સતીશ કૌશિકના મૃત્યુ પછી ફરાર છે. આ સાથે જ હાલ પોલીસ દ્વારા તપાસમાં એ પણ જાણવાનો પ્રયાસ કરવામાં આવી રહ્યો છે કે ફાર્મ હાઉસમાંથી મળી આવેલી વાંધાજનક દવાઓના પેકેટ કોના માટે અને શા માટે લાવ્યા હતા? અને શું તેને સતીશ કૌશિશ સાથે કોઈ સંબંધ હતો?