હેલ્મેટ વગર બાઇક પર જવું અમિતાભ-અનુષ્કા પડ્યું મોંઘું, હવે મુંબઈ પોલીસ કરશે કાર્યવાહી..!

બોલિવૂડ સ્ટાર્સ અવારનવાર ઉત્સાહમાં આવીને આવા કામ કરે છે, જે ચાહકોને ખૂબ જ પસંદ આવે છે. પરંતુ પાછળથી તે વસ્તુની ભરપાઈ કરવી તેમના માટે ખૂબ મોંઘી પડી જાય છે. અમિતાભ બચ્ચન અને અનુષ્કા શર્મા સાથે પણ કંઈક આવું જ થયું છે. હાલમાં જ અમિતાભ બચ્ચનની એક તસવીર સામે આવી હતી, જેમાં તેઓ એક અજાણ્યા વ્યક્તિ સાથે બાઇક રાઇડ પર જોવા મળ્યા હતા. તે જ સમયે, અનુષ્કા શર્માનો એક વીડિયો પણ સામે આવ્યો હતો જેમાં તે કોઈની સાથે બાઇક પર જોવા મળી હતી. કેટલાક યુઝર્સે આ એક્ટર્સ સામે ટ્રાફિકના નિયમો તોડવાની ફરિયાદ કરી છે. હવે મુંબઈ પોલીસ આ મામલે અમિતાભ બચ્ચન અને અનુષ્કા શર્મા વિરુદ્ધ કાર્યવાહી કરવાની તૈયારી કરી રહી છે.

પોલીસને અનુષ્કા શર્મા અને અમિતાભ બચ્ચન વિરુદ્ધ સોશિયલ મીડિયા પર અનેક ફરિયાદો મળી હતી. ફોટો અને વીડિયોમાં બંને અલગ-અલગ બાઇક પર બેઠેલા જોવા મળી રહ્યા છે. આ દરમિયાન બંનેએ હેલ્મેટ પહેરી ન હતી. જે બાદ મુંબઈ પોલીસે અમિતાભ અને અનુષ્કા વિરુદ્ધ કાર્યવાહી શરૂ કરી છે. અમિતાભે સોમવારે શૂટ પર પહોંચવા માટે ફેન્સ પાસે લિફ્ટ લીધી ત્યારે અનુષ્કા શર્મા તેના બોડીગાર્ડ સાથે રોડ પર બાઇક પર જતી જોવા મળી હતી. વાયરલ થઈ રહેલી તસવીરોમાં બંનેએ હેલ્મેટ પહેર્યું ન હતું.

તેના જવાબમાં મુંબઈ પોલીસે લખ્યું, 'અમે તેને ટ્રાફિક પોલીસ સાથે શેર કર્યો છે.' આ સાથે મુંબઈ પોલીસે અનુષ્કા શર્માનો એક વીડિયો પણ ટેગ કર્યો છે અને લખ્યું છે કે, 'મુંબઈ પોલીસ નો હેલ્મેટ' આ બંને કેસમાં મુંબઈ પોલીસે ટ્વિટર પર જવાબ આપ્યો છે કે બંને કેસની માહિતી ટ્રાફિક પોલીસને આપવામાં આવે.