અપારશક્તિ ખુરાનાએ 'બચપન કા પ્યાર' ગીતને પંજાબીમાં કર્યું રિક્રિએટ, થોડા જ કલાકોમાં થયું વાયરલ

બોલિવૂડ અભિનેતા અને હોસ્ટ અપારશક્તિ ખુરાનાએ પોતાની પ્રતિભાના આધારે બોલીવુડમાં પોતાને સ્થાપિત કરી દીધા છે. અપારશક્તિ સોશિયલ મીડિયા પર પણ ખૂબ જ એક્ટિવ રહે છે અને ઘણીવાર ચાહકો સાથે રમૂજી ફોટા અને વીડિયો શેર કરે છે. આ દિવસોમાં બસપન કા પ્યારનું એક ગીત સોશિયલ મીડિયા પર ખુબ વાયરલ થઈ રહ્યું છે. હવે અપારશક્તિએ આ ગીતને પંજાબીમાં રિક્રિએટ કર્યું છે.

અપારશક્તિએ આ ગીતને પંજાબીમાં બનાવ્યું છે અને તેને તેના ઇન્સ્ટાગ્રામ એકાઉન્ટ પર શેર કર્યું છે. અપારશક્તિના અવાજે આ ગીતને વધુ ઉત્તમ બનાવ્યું છે. ચાહકોને અપારશક્તિનું આ નવું વર્ઝન પણ એટલું પસંદ આવી રહ્યું છે કે તે અપલોડ થયાના થોડા જ કલાકોમાં વાયરલ થયું છે. આ સાથે તે ઇન્સ્ટાગ્રામ રીલ્સ પર સૌથી વધુ સર્ચ કરાયેલા ઓડિઓમાંનો એક બની ગયો છે.

આ સાથે જ ચાહકોની સાથે અનેક સેલેબ્સ પણ અપારશક્તિના આ ગીતને ખૂબ પસંદ કરી રહ્યા છે. તેણે અપારશક્તિને સપોર્ટ આપવા માટે તેમના પર ઇન્સ્ટાગ્રામ રીલ્સ પણ પોસ્ટ કરી છે. અને ત્યારે તેમાં અપારશક્તિને ટેગ કરાવતા, તેઓ તેમની પ્રશંસા પણ કરી રહ્યા છે.