ભરૂચ જિલ્લા પંચાયત ભાજપે હસ્તગત કરી છે. જ્યાં પ્રમુખ પદની પુરુષ અને મહિલાની અઢી- અઢી વર્ષની ટર્મ સામાન્ય છે.ચાર પાલિકામાં આમોદ માટે કોંગ્રેસ અને અંકલેશ્વર, જંબુસર માટે પ્રમુખની મહિલા – પુરૂષ OBC બેઠક માટે પ્રમુખની નિમણુંક માટે ભાજપે કવાયત શરૂ કરી દીધી છે. જ્યારે ભરૂચ પાલિકામાં ST પુરૂષ અને OBC મહિલા પ્રમુખની અઢી – અઢી ટર્મ માટે ભાજપે મનોમંથન શરૂ કર્યું છે.
ઝઘડિયા, નેત્રંગ, વાલિયા તાલુકા પંચાયતોમાં પ્રમુખ પદની અઢી – અઢી વર્ષની ટર્મ ST પુરુષ અને મહિલા છે. ઝઘડિયામાં ભાજપ અને વાલિયામાં આપના પ્રમુખ બનશે. જયારે નેત્રંગ તાલુકા પંચાયતમાં હજી સ્પષ્ટ બહુમતી ન હોય કોનું શાસન આવશે તે હજી સુધી અનિશ્ચિતતાઓ રહેલી છે.
અંકલેશ્વર પાલિકામાં ભાજપ પ્રમુખ પદની SEBC પુરુષ અને મહિલા બેઠક માટે પ્રમુખના ચયન માટે કામે લાગી ગયું છે.જ્યારે આમોદ, જંબુસર, ભરૂચ, હાંસોટ, વાગરા તાલુકા પંચાયતમાં ભાજપ પ્રમુખની મહિલા તેમજ પુરુષ સામાન્ય બેઠક માટે પ્રમુખોના નામો પસંદ કરવાની પ્રક્રિયામાં જોતરાઈ ગયું છે.
