વલસાડની કોલેજમાં મિત્રો સાથે ચાલીને જઈ રહેલો વિદ્યાર્થી અચાનક ઢળી પડતા મોત નિપજયુ, જુઓ CCTV

વલસાડની જે.પી શ્રોફ આર્ટસ કોલેજમાં એક વિદ્યાર્થીનું કોલેજ કેમ્પસમાં જ મોત નિપજ્યું હતુ.ચાલતા ચાલતા વિદ્યાર્થી અચાનક ઢળી પડ્યો હતો.જેને હોસ્પિટલ લઈ જતા તબીબોએ તેને મૃત જાહેર કર્યો હતો. આમ કોલેજ કેમ્પસની અંદર જ અચાનક વિદ્યાર્થીના અકાળે મોતને કારણે સમગ્ર પંથકમાં ચકચાર મચી ગઈ હતી.

વલસાડની જાણીતી જે.પી શ્રોફ આર્ટસ કોલેજ ના બીજા વર્ષના ચોથા સેમેસ્ટરમાં અભ્યાસ કરતા વલસાડના મોગરાવાડી વિસ્તારમાં રહેતા આકાશ ઈ પટેલ નામનો એક વિદ્યાર્થી કોલેજ કેમ્પસમાં જઈ રહ્યો હતો. પોતાના મિત્ર સાથે વાત કરતા કરતા આકાશ કોલેજ કેમ્પસમાં પસાર થઈ રહ્યો હતો.એ વખતે જ અચાનક વિદ્યાર્થી ઢળી પડ્યો હતો. આ દ્રશ્યો જોઈ આસપાસના માંથી પસાર થતા વિદ્યાર્થીઓ અને કોલેજ કેમ્પસમાં હાજર વિદ્યાર્થીઓમાં દોડધામ મચી ગઈ હતી.બનાવની જાણ થતાં જ તાત્કાલિક વિદ્યાર્થીને સારવાર માટે વલસાડની જાણીતી કસ્તુરબા હોસ્પિટલમાં તેને લાવતા તબીબોએ તેને મૃત જાહેર કર્યો હતો. જો કે આ સમગ્ર ઘટનાને લઇ કોલેજ કેમ્પસ અને સમગ્ર શહેરમાં ચકચાર મચી છે. એક સ્વસ્થ વિદ્યાર્થીનું કોલેજ કેમ્પસમાં જ અકાળે મોતને કારણે બનાવ ચર્ચાનું કેન્દ્ર બન્યો હતો. જો કે આ મામલે તબીબોના જણાવ્યા મુજબ હ્રદય રોગના હુમલાના કારણે યુવાનનું મોત નિપજયું છે.