સાવરકુંડલામાં મુખ્યમંત્રીનાં હસ્તે લોકાર્પણ , વિવિધ પ્રકલ્પોનું CMએ કર્યું ખાતમુહૂર્ત 

અમરેલી જિલ્લાના સાવરકુંડલા શહેરમાં મુખ્યમંત્રી ભુપેન્દ્ર પટેલના હસ્તે રૂપિયા 12,222 લાખના વિકાસકાર્યોનું ખાતમુહૂર્ત અને લોકાર્પણ કરવામાં આવ્યું છે. CM પટેલે આ પ્રસંગે વિવિધ ધાર્મિક સ્થળો અને હોસ્પિટલની મુલાકાત પણ લીધી હતી. 

અમરેલી જિલ્લાના સાવરકુંડલા શહેર ખાતે મુખ્યમંત્રી ભુપેન્દ્ર પટેલના હસ્તે વિવિધ વિકાસલક્ષી પ્રકલ્પોનું લોકાર્પણ અને ખાતમુહૂર્ત કરવામાં આવ્યું હતું.આ પ્રસંગે પૂર્વ કેન્દ્રીય મંત્રી પરષોત્તમ રૂપાલા, ઇફકોના ચેરમેન દિલીપ સંઘાણી, વિધાનસભા નાયબ દંડક કૌશિક વેકરીયા,ધારાસભ્ય મહેશ કસવાળા, સાંસદ ભરત સુતરીયા, ધારાસભ્ય હીરા સોલંકી, ધારાસભ્ય જનક તળાવયા, ધારાસભ્ય જે.વી.કાકડીયા સહિતના નેતાઓ અને કાર્યકરો ઉપસ્થિત રહ્યા હતા.

રૂપિયા 12,222 લાખના ખર્ચના વિકાસલક્ષી કાર્યોનું મુખ્યમંત્રી ભુપેન્દ્ર પટેલના હસ્તે લોકાર્પણ અને ખાતમુહૂર્ત કરવામાં આવ્યું હતું.આ ઉપરાંત અમરેલીના ચાડીયા ગામે માતૃભૂમિ વંદના મહોત્સવ અંતર્ગત વિકાસ કાર્યોના મુખ્યમંત્રી ભૂપેન્દ્ર પટેલેના હસ્તે કર્યા ખાતમુહૂર્ત કરવામાં આવ્યું હતું.જેમાં CMએ બાબુભાઈ પેથાણી સરોવરનું ભૂમિપૂજન કર્યું હતું.