• કલેકટર કચેરીને તાળા બંધીનો પ્રયાસ

• કોંગ્રેસ અને NSUIના કાર્યકરોનું વિરોધ પ્રદર્શન

• પોસ્ટ મેટ્રિક શિષ્યવૃત્તિ સ્કોલરશીપ શરૂ કરવાની માંગ

• કાર્યકરો અને પોલીસ વચ્ચે સર્જાયુ ઘર્ષણ

• પોલીસે કાર્યકરોની ટીંગાટોળી કરીને કરી અટકાયત 

બનાસકાંઠા જિલ્લાના પાલનપુરમાં કોંગ્રેસ અને NSUIના કાર્યકરો દ્વારા પોસ્ટ મેટ્રિક શિષ્યવૃત્તિ સ્કોલરશીપ પુનઃ શરૂ કરવાની માંગ કરવામાં આવી હતી.અને કલેક્ટર કચેરીને તાળા બંધીની ચીમકી ઉચ્ચારીને ઘેરાવો કર્યો હતો.આ ઘટના દરમિયાન પોલીસે કાર્યકર્તાઓની અટકાયત પણ કરી હતી.

પોસ્ટ મેટ્રિક શિષ્યવૃત્તિ સ્કોલરશીપ પુનઃ શરૂ કરવાની માંગ સાથે પાલનપુરમાં કોંગ્રેસ અને NSUIના કાર્યકરોએ વિરોધ નોંધાવ્યો છે. કલેકટર કચેરીને તાળાબંધીની ચીમકી ઉચ્ચારી ઘેરાવો કરતા ચુસ્ત પોલીસ બંદોબસ્ત ગોઠવાયો હતો. કોંગ્રેસ અને NSUIના કાર્યકરો મોટી સંખ્યામાં ઉમટી રેલી યોજી કલેક્ટર કચેરીનો ઘેરાવો કરવા જતા પોલીસે અટકાયત કરી હતી.

પોલીસના વાહનો ઓછા અને કાર્યકરો વધુ હોવાથી કાર્યકરોને ઘેટા-બકરાની જેમ પોલીસ વાનમાં ભર્યા હોવાના દ્રશ્યો જોવા મળ્યા હતા.આ પ્રસંગે જિલ્લા કોંગ્રેસ પ્રમુખ ભરતસિંહ વાઘેલા,ધારાસભ્ય કાંતિ ખરાડી,NSUI પ્રદેશ પ્રમુખ નરેન્દ્ર સોલંકી સહિત મોટી સંખ્યામાં કાર્યકર્તાઓ ઉપસ્થિત રહ્યા હતા.