અંકલેશ્વર: 13 વર્ષ પૂર્વે બાઈક ચોરીના ગુનાને અંજામ આપનાર 2 આરોપીઓ મધ્યપ્રદેશથી ઝડપાયા

ભરૂચ પેરોલ ફર્લો સ્ક્વોડની ટીમને બાતમી મળી હતી કે વર્ષ 2011માં અંકલેશ્વર જીઆઇડીસી પોલીસ મથકના બાઈક ચોરીના ગુનામાં સંડોવાયેલ 2 ઈસમો મધ્યપ્રદેશમાં ફરી રહ્યા છે.

author-image
By Connect Gujarat Desk in ભરૂચ સમાચાર
New Update
Bharuch Parole Furlough Squad
ભરૂચ પેરોલ ફર્લો સ્ક્વોડની ટીમે અંકલેશ્વરમાંથી 13 વર્ષ પૂર્વે બાઇકની ચોરી કરનાર બે આરોપીઓને મધ્યપ્રદેશ ખાતેથી ઝડપી પાડી તેઓ વિરુદ્ધ કાયદેસરની કાર્યવાહી હાથ ધરી છે. ભરૂચ જિલ્લામાં નાસ્તા ફરતા આરોપીઓને ઝડપી પાડવા માટે પોલીસની પેરોલ ફર્લો સ્ક્વોડની ટીમ મધ્યપ્રદેશ ખાતેના કઠીવાડા ખાતે ગઇ હતી જ્યા બાતમી મળી હતી કે વર્ષ 2011માં અંકલેશ્વર જીઆઇડીસી પોલીસ મથકના બાઈક ચોરીના ગુનામાં સંડોવાયેલ 2 ઈસમો ગામમાં ફરી રહ્યા છે.
જેથી સ્થાનિક પોલીસને સાથે રાખી તપાસ કરતા બાઈક ચોરીના ગુના આરોપીઓ પારસીંગ કનેરા અને રાકેશ ચૌહાણની ધરપકડ કરી હતી.આરોપીઓ વર્ષ 2011માં અંકલેશ્વરમાં મજૂરી કામ અર્થે આવ્યા હતા એ દરમ્યાન રાત્રીના સમયે ચાર આરોપીઓએ મળી બાઈક ચોરીના ગુનાને અંજામ આપ્યો હતો જે પૈકી 2 આરોપીઓની અગાઉ ધરપકડ કરવામાં આવી હતી.
#Ankleshwar Chori #Parole furlough squad #Bike Theft #બાઈક ચોરી #Bharuch Bike Theft #Bharuch Parole Furlough Squad #Bharuch Police
Related Articles