અંકલેશ્વર: વાલિયામાં આવેલ રેસ્ટોરન્ટમાં અત્યંત ઝેરી ગણાતો 5 ફૂટ લાંબો કોબ્રા સાપ નિકળ્યો !

ચોમાસામાં સરિસૃપ જમીનનની બહાર આવી જતા જોય છે ત્યારે ગતરોજ મોડી રાતે અંકલેશ્વરમાં વાલિયા માર્ગ પર જલારામ પેટ્રોલપંપ સામે આવેલ રેસ્ટોરન્ટમાં સાપ નીકળ્યો હતો.સાપને જોતા જ રેસ્ટોરન્ટમાં જમવા આવેલ ગ્રાહકોમાં ફફડાટ ફેલાયો હતો. રેસ્ટોરન્ટ સંચાલકે આ અંગેની જાણ જીવદયા પ્રેમીઓને કરતા તેઓ દોડી આવ્યા હતા અને રેસ્ક્યુ ઓપરેશન હાથ ધરી 5 ફૂટ લાંબા કોબ્રા સાપને પકડી સુરક્ષિત જગ્યાએ છોડી મુકવાની તજવીજ હાથ ધરી હતી.અત્યંત ઝેરી ગણાતો કોબ્રા સાપ રેસ્ટોરન્ટમાંથી મળતા ફફડાટ ફેલાયો છે.