અંકલેશ્વર: નેશનલ હાઇવે પર ટ્રકે બાઇકને ટક્કર મારતા બાઈક સવાર 3 પૈકી એક વ્યક્તિનું મોત !

અકસ્માતમાં કૃષ્ણપાલસિંઘ કુસવાહાના માથા ઉપરથી ટ્રકનું ટાયર ફરી વળતા તેઓનું ગંભીર ઈજાઓને પગલે ઘટના સ્થળે જ કરુણ મોત નીપજ્યું જ્યારે 2 વ્યક્તિને ઇજાઓ પહોંચી

author-image
By Connect Gujarat Desk in ભરૂચ સમાચાર
New Update

  • અંકલેશ્વર નજીક હાઇવે પર સર્જાયો અકસ્માત

  • ટ્રકે બાઇકને મારી ટક્કર

  • બાઈક સવાર 3 પૈકી એક યુવાનનું મોત

  • ઉભેલી બાઇકને ટ્રકે મારી ટક્કર

  • પોલીસે તપાસ શરૂ કરી

Advertisment
અંકલેશ્વર નેશનલ હાઇવે ઉપર વર્ષા હોટલના યુ-ટર્ન નજીક ઉભેલ બાઈકને ટ્રક ચાલકે ટક્કર મારતા ત્રણ પૈકી એક વ્યક્તિનું ઘટના સ્થળે જ ગંભીર ઈજાઓને પગલે કરુણ મોત નીપજ્યું હતું.
અંકલેશ્વરના સારંગપુર ગામની પદ્માવતી નગર સોસાયટીમાં રહેતા રીન્કુસિંહ મુનેન્દ્રપ્રતાપસિંહ અને તેઓના કૌટુંબિક મામા સતેન્દ્રસિંહ તેમજ ૫૫ વર્ષીય નાના કૃષ્ણપાલસિંઘ ગંગાસિંઘ કુસવાહા સાથે બાઈક લઇ અંદાડાથી ટાઈલ્સ ફીટીંગનું કામ પૂર્ણ કરી પરત પોતાના ઘરે જઈ રહ્યા હતા.તે દરમિયાન અંકલેશ્વર નેશનલ હાઇવે ઉપર વર્ષા હોટલના યુ-ટર્ન નજીક ટ્રાફિક હોવાથી તેઓ બાઈક થોભાવી ઉભેલ હતા તે વેળા પુરપાટ ઝડપે ધસી આવેલ ટ્રક ચાલકે યુ-ટર્ન લેતા બાઈકને અડફેટે લીધી હતી.
આ અકસ્માતમાં કૃષ્ણપાલસિંઘ કુસવાહાના માથા ઉપરથી ટ્રકનું ટાયર ફરી વળતા તેઓનું ગંભીર ઈજાઓને પગલે ઘટના સ્થળે જ કરુણ મોત નીપજ્યું હતું.જયારે રીન્કુસિંહ અને સતેન્દ્ર સિંહને સામાન્ય ઈજાઓ પહોંચી હતી.અકસ્માત અંગે અંકલેશ્વર બી ડીવીઝન પોલીસે ગુનો નોંધી તપાસ હાથ ધરી છે.
#bike accident #માર્ગ અકસ્માત #Connect Gujarat #Ankleshwar National Highway #Ankleshwar News #અકસ્માત #Ankleshwar Accident
Advertisment
Related Articles
Read the Next Article

ભરૂચ: ક્રાઇમ બ્રાન્ચે ઝઘડિયાના ઢુંઢા ગામેથી રૂ.3.12 લાખનો વિદેશી દારૂનો જથ્થો ઝડપી પાડ્યો,બુટલેગરની ધરપકડ

ઉમલ્લા પોલીસ સ્ટેશન હદ હેઠળ આવેલા ઢુંઢા ગામના ટેકરા ફળિયામાં એક ખેતરમાં છૂપાવાયેલ ભારતીય બનાવટના વિદેશી દારૂનો મોટો જથ્થો ઝડપી પાડવામાં આવ્યો છે.

author-image
By Connect Gujarat Desk in ભરૂચ સમાચાર
New Update
1

ભરૂચ  ક્રાઇમ બ્રાન્ચ  દ્વારા મોટી કાર્યવાહી હાથ ધરવામાં આવી છે.

Advertisment
ઉમલ્લા પોલીસ સ્ટેશન હદ હેઠળ આવેલા ઢુંઢા ગામના ટેકરા ફળિયામાં એક ખેતરમાં છૂપાવાયેલ ભારતીય બનાવટના વિદેશી દારૂનો મોટો જથ્થો ઝડપી પાડવામાં આવ્યો છે. આ દરમિયાન કુલ રૂપિયા ૩,૧૨,૮૮૦/- નો મુદ્દામાલ કબ્જે કરવામાં આવ્યો છે.પોલીસે નરેન્દ્ર ઉર્ફે નંદો પુનમભાઇ વસાવા (ઉ.વ. ૨૮)ની ધરપકડ કરી  તેની પાસેથી કુલ ૯૫૬ નંગ વિદેશી દારૂની બોટલો અને ટીન-બીયર, રૂ. ૨,૫૭,૮૮૦ ના, એક્ટીવા સ્કૂટર (GJ-16-CN-6085) તથા મોબાઇલ ફોન કબ્જે લેવાયા છે.આ કેસમાં વધુ બે શખ્સો રણજીતભાઇ મફતભાઇ વસાવા (નાના પાટણા ગામ, નર્મદા) અને દિનેશભાઇ શાંતીલાલ વસાવા (ચીત્રોલ ગામ, નર્મદા) ને વોન્ટેડ જાહેર કરાયા છે.
#CGNews #Foreign Liqour #Jhagadia #Crime branch #Bharuch
Advertisment