અંકલેશ્વર: ઔદ્યોગિક તાલીમ સંસ્થામાં દીક્ષાંત સમારોહ યોજાયો, 72 તાલીમાર્થીઓને અપાયા સર્ટિફિકેટ

ઔદ્યોગિક તાલીમ સંસ્થા અંકલેશ્વર ખાતે 24 ટ્રેડના ઉત્તીર્ણ થયેલ 72 તાલીમાર્થીઓનો દીક્ષાંત સમારોહ યોજાયો હતો 

અંકલેશ્વર ઔદ્યોગિક તાલીમ સંસ્થામાં ચાલતા 24 ટ્રેડના ઉત્તીર્ણ થયેલ 72 તાલીમાર્થીઓનો દીક્ષાંત સમારોહ યોજાયો હતો.જેમાં આમંત્રિત મહેમાનોના હસ્તે સર્ટીફીકેટ અને મેડલનું વિતરણ કરવામાં આવ્યું હતું.આ દીક્ષાંત સમારોહમાં પાલિકા પ્રમુખ લલીતાબેન રાજપુરોહિત,એ.આઈ.એ. પ્રમુખ હિમંત સેલાડીયા,મામલતદાર કરણસિંહ રાજપૂત,રમેશ ગાબાણી,રેવા એગ્રી સાયન્સ કેમિકલ મેન્યુફેક્ચરિંગના જયંત દવે અને ભૂતપૂર્વ વિદ્યાર્થી કપિલ બારોટ સહીત આમંત્રિતો અને તાલીમાર્થીઓ ઉપસ્થિત રહ્યા હતા. ઉપસ્થિત મહાનુભાવોએ ઉત્તીર્ણ થયેલ વિદ્યાર્થીઓને ઉજ્જ્વળ કારકિર્દીની શુભકામના પાઠવી હતી.