અંકલેશ્વર: GIDCમાં ડેટોક્સ કંપની નજીક પાર્ક કરેલ વેનમાં આગ, પાણીનો મારો ચલાવી આગ પર કાબુ મેળવાયો

અંકલેશ્વરમાં ગડખોલ પાટિયા નજીક પાંચ દુકાનોમાં આગ લાગવાની ઘટના બન્યા બાદ હવે અંકલેશ્વર જીઆઇડીસીમાં કારમાં આગ લાગવાનો બનાવ સામે આવ્યો છે.

અંકલેશ્વર ઔદ્યોગિક વસાહતમાં આવેલ ડેટોક્સ કંપની નજીક પાર્ક કરેલી સી.એન.જી. વેનમાં અચાનક જ આગ ફાટી નીકળી હતી. આ દ્રશ્યો જોતા જ સ્થાનિકોએ પાણીનો મારો ચલાવી આગ પર કાબુ મેળવવાના પ્રયાસો કર્યા હતા. દરમિયાન ત્યાંથી પસાર થતા ટેન્કરમાંથી પાણીનો મારો ચલાવી આગ પર કાબુ મેળવાયો હતો.

View this post on Instagram

A post shared by Connect Gujarat TV (@connectgujarat)

સદનસીબે આ બનાવવામાં કોઈ જાનહાનિ થઈ ન હતી. પાર્ક કરેલી વાનમાં અચાનક આગ કેવી રીતે ફાટી નીકળી તે હજી સુધી જાણવા મળી શક્યું નથી.

અત્રે ઉલ્લેખનીય છે કે અંકલેશ્વરમાં ઉનાળાની શરૂઆત થતા જ કાળજાળ ગરમી વચ્ચે વાહનોમાં આગ લાગવાના બનાવો વધી રહ્યા છે.