અંકલેશ્વર: GIDC પોલીસે મોપેડ પર વિદેશી દારૂનું વેચાણ કરતા બુટલેગરની કરી ધરપકડ

અંકલેશ્વર જી.આઈ.ડી.સી.પોલીસ મથકનો સ્ટાફ પેટ્રોલિંગમા હતો તે દરમિયાન બાતમી મળી હતી કે ક્રિસ્ટલ ચોકડી પાસે એક્ટિવા નંબર-જી.જે.16.બી.આર.3532 ઉપર ગાર્ડન સિટીમાં રહેતો હેતકુમાર મિલન પટેલ વિદેશી દારૂનું વેચાણ કરવા આવનાર છે.જેવી બાતમીના આધારે પોલીસે વોચ ગોઠવી હતી તે સમયે બાતમી વાળો ઈસમ આવતા પોલીસે તેને અટકાવી એક્ટિવા ઉપરથી વિદેશી દારૂની 92 નંગ બોટલ મળી આવી હતી પોલીસે વિદેશી દારૂ અને એક્ટિવા મળી કુલ 29 હજારથી વધુનો મુદ્દામાલ કબ્જે કરી બુટલેગર હેત પટેલને ઝડપી પાડી કાયદેસરની કાર્યવાહી હાથ ધરી છે