અંકલેશ્વર: ઘરકંકાસમાં પતિએ એપાર્ટમેન્ટના 7માં માળેથી મોતની છલાંગ લગાવી કર્યો આપઘાત, CCTV ફૂટેજ બહાર આવ્યા !

ઘર કંકાસમાં પતિએ સાતમા માળેથી પડતું મૂકી આત્મહત્યા કરી હોવાની ઘટના સામે આવી છે.અંકલેશ્વર શહેર બી ડિવિઝન પોલીસે સીસીટીવી ફૂટેજના આધારે તપાસ શરૂ કરી

author-image
By Connect Gujarat Desk in ભરૂચ સમાચાર
New Update

  • અંકલેશ્વરનો ચકચારી બનાવ

  • પતિએ આપઘાત કર્યો

  • એપાર્ટમેન્ટના 7માં માળેથી લગાવી મોતની છલાંગ

  • ઘટનાના સીસીટીવી ફૂટેજ બહાર આવ્યા

  • બી ડિવિઝન પોલીસે તપાસ હાથ ધરી

અંકલેશ્વરમાં ઘર કંકાસમાં પતિએ સાતમા માળેથી પડતું મૂકી આત્મહત્યા કરી હોવાની ઘટના સામે આવી છે.અંકલેશ્વર શહેર બી ડિવિઝન પોલીસે સીસીટીવી ફૂટેજના આધારે તપાસ શરૂ કરી છે. 
અંકલેશ્વરમાં જુના નેશનલ હાઇવે નંબર આઠ પર એસ.એ. મોટર્સ નજીક આવેલ સાંઈ ગોલ્ડન રેસિડેન્સીમાં ફ્લેટ નંબર  712માં રહેતા અસલમ હસન શેખનો મોડી રાતે 2 વાગ્યે તેની પત્ની સાથે ઝઘડો થયો હતો. પતિ-પત્ની વચ્ચેની તકરાર દરમિયાન અસલમ અચાનક મકાનની સાતમા માળની ગેલેરીમાંથી કૂદી પડ્યો હતો. બિલ્ડીંગ પરથી નીચે પટકાયેલા અસલમનું ગંભીર ઇજાના પગલે ઘટનાસ્થળે જ કરુણ મોત નિપજ્યુ હતું.
બીજી તરફ પતિના અંતિમવાદી પગલા બાદ ગ્રાઉન્ડ ફ્લોર પર દોડી આવેલ પત્ની પતિનો મૃતદેહ જોઈ હેબતાઈ જતા તેને પણ સારવાર અર્થે હોસ્પિટલ ખાતે ખસેડવાની ફરજ પડી હતી. આ બનાવના સીસીટીવી ફૂટેજ પણ બહાર આવ્યા છે જેમાં પતિ મોતની છલાંગ લગાવતો નજરે પડી રહ્યો છે પતિ પત્ની વચ્ચે કઈ બાબતે તકરાર થઈ હતી તે સહિતની વિગતો મેળવવા અંકલેશ્વર બી ડિવિઝન પોલીસે તપાસનો ધમધમાટ શરૂ કર્યો છે.
#આપઘાત #આપઘાત કેસ #Suicide CCTV #suicide #Ankleshwar Suicide #Ankleshwar Suicide Case #Ankleshwar police
Related Articles
Read the Next Article

ભરૂચ: હાંસોટ પોલીસ મથકના પોલીસકર્મીઓની દારૂની મહેફિલનો વિડીયો વાયરલ, SPએ આપ્યા તપાસના આદેશ

હાંસોટ પોલીસ મથકમાં ફરજ બજાવતા કેટલાક પોલીસકર્મીઓ દારૂની મહેફીલ માણી રહ્યા હતા આ દરમિયાન તેઓનો કોઈએ વિડિયો ઉતારી સોશિયલ મીડિયામાં વાયરલ કર્યો

author-image
By Connect Gujarat Desk in ભરૂચ ગુજરાત
New Update
Bharuch Police Viral Video

ભરૂચના હાંસોટ પોલીસ મથકના પોલીસ કર્મીઓનો દારૂની મહેફિલનો વિડીયો સોશિયલ મીડિયામાં વાયરલ થતા ખળભળાટ મચી જવા પામ્યો છે. હાંસોટ પોલીસ મથકમાં ફરજ બજાવતા કેટલાક પોલીસકર્મીઓ દારૂની મહેફીલ માણી રહ્યા હતા આ દરમિયાન તેઓનો કોઈએ વિડિયો ઉતાર્યો હતો આ વિડીયો હાલ સોશિયલ મીડિયામાં વાયરલ થઈ ગયો છે જેમાં પોલીસકર્મીઓ ડાન્સ કરતા પણ નજરે પડી રહ્યા છે. વિડીયો વાયરલ થતાં ભરૂચ જિલ્લા પોલીસવડા મયુર ચાવડાએ તપાસના આદેશ આપ્યા છે.વાયરલ વીડિયોમાં હાંસોટ પોલીસ મથકના રાઇટર  હિતેશ પરમાર અને અન્ય પોલીસકર્મીઓ હોવાનું બહાર આવ્યું છે.

અત્રે ઉલ્લેખનીય છે કે ગતરોજ ભરૂચ હેડક્વાર્ટરમાં આવેલ વર્કશોપમાં બે પોલીસકર્મીઓ દારૂની મહેફીલ માણી રહ્યા હતા જેઓને ક્રાઈમ બ્રાન્ચે ઝડપી પાડ્યા હતા અને તેઓ વિરુદ્ધ પ્રોહીબિશન અંગેનો ગુનો દાખલ કરાવ્યો હતો ત્યારે ભરૂચમાં બે દિવસમાં પોલીસકર્મીઓની દારૂની મહેફિલના બે મામલા પ્રકાશમાં આવતા ખળભળાટ મચી જવા પામ્યો છે.
#Gujarat Police #Hansot Police Station #Hansot Police #Policemen Drinking Party #viral video #Bharuch Police