અંકલેશ્વર: પંચાટી બજાર યુવક મંડળ દ્વારા ધુળેટીના પર્વની ઉમંગ-ઉત્સાહ સાથે ઉજવણી,DJના તાલ સાથે ઉજવણી કરાય

અંકલેશ્વરના પંચાટી બજાર યુવક મંડળ દ્વારા પ્રતિ વર્ષની જેમ આ વર્ષે પણ ધુળેટીના પર્વની ઉત્સાહ અને ઉમંગ સાથે ઉજવણી કરવામાં આવી હતી

રંગોના પર્વ ધૂળેટીની આજરોજ ઠેર ઠેર ઉત્સાહ અને ઉમંગ સાથે ઉજવણી કરવામાં આવી રહી છે ત્યારે અંકલેશ્વરના પંચાટી બજાર યુવક મંડળ દ્વારા પ્રતિ વર્ષની જેમ આ વર્ષે પણ ધુળેટીના પર્વની ઉજવણીનો કાર્યક્રમ યોજાયો હતો જેમાં બાળકો માટે કુંડ બનાવવામાં આવ્યો હતો અને બાળકોએ ડીજેના તાલ સાથે એકમેકને રંગ લગાવી ધુળેટીના પર્વની ઉજવણી કરી હતી. રેન ડાન્સમાં યુવાનો મન મુકીને ઝૂમ્યા હતા.

આ પ્રસંગે અંકલેશ્વર નગર સેવાસદની કારોબારી સમિતિના ચેરમેન નિલેશ પટેલ, અંકલેશ્વર શહેર ભાજપના પ્રમુખ ધર્મેન્દ્ર પુષ્કરણા, મહામંત્રી સંજય પટેલ સહિતના આગેવાનો તેમજ સ્થાનિક યુવાનો ઉપસ્થિત રહ્યા હતા.આ પ્રસંગે બાળકો અને સ્થાનિકો માટે અલ્પાહારનું પણ આયોજન કરવામાં આવ્યું હતું.