અંકલેશ્વર : ગોલ્ડન સ્કવેર કોમ્પ્લેક્ષમાં ઓરેન્જ સ્પામાં ધમધમતા દેહવિક્રયનો પર્દાફાશ કરતી પોલીસ,સંચાલકની ધરપકડ

અંકલેશ્વર વાલિયા રોડને અડીને આવેલા ગોલ્ડન સ્કવેર કોમ્પલેક્ષમાં ઓરેન્જ સ્પામાં મસાજની આડમાં દેહવિક્રયનો ધંધો ધમધમતો હતો,જેના પર જીઆઇડીસી પોલીસે રેડ કરીને સ્પા સંચાલકની ધરપકડ કરી હતી.

અંકલેશ્વર વાલિયા રોડને અડીને આવેલા ગોલ્ડન સ્કવેર કોમ્પલેક્ષમાં ઓરેન્જ સ્પા નામથી મસાજ પાર્લર ચાલી રહ્યું છે,જોકે આ સ્પામાં મસાજની આડમાં તેનો સંચાલક મસાજ માટે યુવતીઓ રાખીને દેહવિક્રયનો ધંધો પણ કરતો હોવાની બાતમી જીઆઇડીસી પોલીસને મળી હતી.પોલીસે બાતમીને આધારે વોચ ગોઠવીને ઓરેન્જ સ્પા પર રેડ કરી હતી.જેમાં પોલીસે સ્પા સંચાલક મહેશ વિલારેની ધરપકડ કરીને રોકડા રૂપિયા સહિત કુલ રૂપિયા 10000નો મુદ્દામાલ જપ્ત કર્યો હતો.જ્યારે સ્પામાં કામ કરતી યુવતીઓની પોલીસે યોગ્ય પૂછપરછ કરીને મુક્ત કરી દીધી હતી. ઘટના અંગે અંકલેશ્વર જીઆઇડીસી પોલીસ દ્વારા વધુ તપાસના ચક્રો ગતિમાન કરવામાં આવ્યા છે.