અંકલેશ્વર: હાંસોટના ઇલાવ ગામે પ્રસાશન ગાંવ કી ઓર કાર્યક્રમ યોજાયો, 6 ગામના લોકોએ લીધો લાભ

ભરૂચના હાંસોટ તાલુકાના ઇલાવ ગામે ગુડ ગવર્નરન્સ વીક અંતર્ગત પ્રસાશન ગાંવ કઈ ઓર કાર્યક્રમ યોજાયો હતો જેનો 6 ગામના લોકોએ લાભ લીધો હતો.

ભરૂચના હાંસોટ તાલુકાના ઇલાવ ગામે Good Governance Week અંતર્ગત પ્રશાસન ગાવ કી ઓર 2025ની ઉજવણી અંતર્ગત કેમ્પનું આયોજન કરવામાં આવ્યું હતું.કેન્દ્ર સરકાર દ્વારા જાહેર કરાયેલ માર્ગદર્શિકા મુજબ આ ઉજવણી તા.19 ડિસેમ્બર 2025 થી 25 ડિસેમ્બર 2025 દરમ્યાન સમગ્ર દેશમાં કરવામાં આવી રહી છે.ઇલાવ ખાતે યોજાયેલા કાર્યક્રમનો મહાનુભાવોના હસ્તે પ્રારંભ કરવામાં આવ્યો હતો.આ કાર્યક્રમમાં આધારકાર્ડ બનાવવા, રેશનકાર્ડ બનાવવા, વિધવા પેન્શન, દિવ્યાંગ પેન્શન યોજના, વૃધ્ધ પેન્શન યોજનાના કામો,જાતિ પ્રમાણપત્ર, ડોમીસાઇલ પ્રમાણપત્ર, તેમજ મનરેગા યોજના અંતર્ગત લાભ સહિતની કામગીરી કરવામાં આવી હતી.

આ કાર્યક્રમનો ઇલાવ,સાહોલ,બાલોતા,બોલાવ,ધમરાડ અને માલણપોરના ગ્રામજનોએ લાભ લીધો હતો.સદર કાર્યક્રમમાં હાંસોટ તાલુકા પંચાયતના સભ્ય જયેશ પટેલ, ઇલાવ ગામના સરપંચ નિશા રાઠોડ,ડે. સરપંચ હિરેન પટેલ,ગામના આગેવાન મહાદેવ પટેલ તેમજ કર્મચારીઓ અને ગ્રામજનો ઉપસ્થિત રહ્યા હતા