અંકલેશ્વર: બાઈક ચોરીના ગુનામાં સંડોવાયેલ રીઢા આરોપીની GIDC પોલીસે કરી ધરપકડ

અંકલેશ્વરના ત્રણ અલગ અલગ પોલીસ મથકની હદમાંથી ચોરી થયેલ ત્રણ મોટર સાઇકલ સાથે એક ઈસમને જી.આઈ.ડી.સી. પોલીસે ઝડપી પાડ્યો હતો. ભરૂચ જીલ્લા પોલીસ વડા મયુર ચાવડા અને ડી.વાય.એસ.પી ડો.કુશલ ઓઝા દ્વારા મિલ્કત સંબંધી ગુનાઓ શોધી કાઢવા માટે આપેલ સૂચનાને આધારે જી.આઈ.ડી.સી.પોલીસ મથકના પી.આઈ બી.એન.સગરના માર્ગદર્શન હેઠળ સ્ટાફ પેટ્રોલીંગમાં હતો તે દરમિયાન અંકલેશ્વર જી.આઇ.ડી.સી મનમોહન ભજીયાની દુકાન પાસેથી એક ઇસમને ચોરીની ત્રણ બાઈકો સાથે પકડી પાડ્યો હતો

પોલીસે મધ્ય પ્રદેશના કઠ્ઠીવાડા તાલુકાના ખાબડકા ગામના હોળી ફળિયા નરેશ ગોવિદભાઈ તોમરની ધરપકડ કરી અંકલેશ્વર એ ડીવીઝન પોલીસ મથકના બે અને જી.આઈ.ડી.સી.મથકના એક મળી વાહન ચોરીના ત્રણ ગુનાનો ભેદ ઉકેલી કાઢી કુલ ૯૫ હજારનો મુદ્દામાલ કબજે કરી અન્ય બે ઈસમોને વોન્ટેડ જાહેર કરી વધુ તપાસ હાથ ધરી છે.