અંકલેશ્વર: નર્મદા નદીમાં બોટ મારફતે વિદેશી દારુની હેરાફેરી, રૂ.5 લાખથી વધુના મુદ્દામાલ સાથે 1 આરોપીની ધરપકડ

અંકલેશ્વર શહેર એ ડિવિઝન પોલીસ પેટ્રોલિંગમાં હતા તે દરમિયાન તેઓને બાતમી મળી હતી કે નર્મદા નદીમાંથી વિદેશી દારૂની હેરાફેરી થનાર છે જેના આધારે પોલીસે ગોલ્ડન બ્રિજના નર્મદા નદીના અંકલેશ્વર છેડા તરફ વોચ ગોઠવી હતી.આ દરમિયાન બાતમી વાલી બોટ આવતા તેને અટકાવી તપાસ કરતાં અંદરથી રૂપિયા 2.86 લાખની કિંમતનો વિદેશી દારૂનો જથ્થો મળી આવ્યો હતો.પોલીસે બોટમાંથી ભરૂચના દાંડિયા બજાર વિસ્તારમાં રહેતા લાલા મકવાણા નામના આરોપીની ધરપકડ કરી છે જ્યારે આ મામલામાં અન્ય પાંચ આરોપીઓને વોન્ટેડ જાહેર કરવામાં આવ્યા છે. પોલીસે વિદેશી દારૂ, બોટ અને મોબાઈલ મળી કુલ રૂપિયા 5.76 લાખનો મુદ્દામાલ જપ્ત કરી કાયદેસરની કાર્યવાહી હાથ ધરી છે