અંકલેશ્વરના ભડકોદ્રા ગામની મધુવન સોસાયટીમાં બે મકાનોને તસ્કરોએ નિશાન બનાવી રોકડ સહિતની મત્તાની ચોરી કરી ફરાર થઇ ગયા હતા.જ્યારે એક મકાનમાં ચોરીનો નિષ્ફળ પ્રયાસ કર્યો હતો

અંકલેશ્વરના ભડકોદ્રા ગામની મધુવન સોસાયટીમાં રહેતા જોન્શન ડીશુજા ગતરોજ પોતાનું મકાન બંધ કરી કેવડિયા ખાતે ગયા હતા તે સમયે તસ્કરોએ તેઓના બંધ મકાનને નિશાન બનાવ્યું હતું.તસ્કરો મકાનમાં પ્રવેશ કરી રોકડા અને સોનાના સિક્કાની ચોરી કરી ફરાર થઇ ગયા હતા.જ્યારે ગેલેક્સી એપાર્ટમેન્ટના ગ્રાઉન્ડ ફ્લોરના મકાનને નિશાન બનાવી સોના-ચાંદીના ઘરેણાં મળી 55 હજારના મુદ્દામાલની ચોરી કરી ફરાર થઇ ગયા હતા.

તો અન્ય મકાનના તાળાં તોડી અંદર પ્રવેશ કર્યો હતો પરંતુ મકાનમાં કઈ હાથ નહીં લાગતા તસ્કરો વીલા મોઢે પરત ફરવાની ફરજ પડી હતી ચોરી અંગે જી.આઈ.ડી.સી.પોલીસે ગુનો નોંધી તપાસ હાથ ધરી છે.