અંકલેશ્વર: ઉકાઈ જમણાકાંઠા નહેર 36 દિવસ બંધ રહેતા પાણીની તંગીના એંધાણ, તંત્ર દ્વારા કરાયુ આગોતરું આયોજન

• ઉકાઈ જમણાકાંઠા નહેર સમારકામ માટે રહેશે બંધ

• નહેર 36 દિવસ બંધ રાખવામાં આવશે

• અંકલેશ્વરમાં સર્જાય શકે છે પાણીની તંગી

• તંત્ર દ્વારા કરાયુ આગોતરું આયોજન

• પાણી પુરવઠામાં કાપ આપવામાં આવ્યો 

અંકલેશ્વર તથા હાંસોટ તાલુકાને પાણી પુરૂ પાડતી ઉકાઇ જમણા કાંઠાની કેનાલને 16મીના બદલે હવે 21મી તારીખથી બંધ કરવામાં આવશે. 7 કરોડના ખર્ચે 22 જેટલી કેનાલના રીપેરિંગનું આયોજન કરવામાં આવ્યું છે. દર વર્ષે ડિસેમ્બર અને જાન્યુઆરી મહિનામાં કેનાલમાં પાણી છોડવાનું બંધ કરી રીપેરિંગની કામગીરી હાથ ધરવામાં આવે છે.

નહેર બંધ રહેવાની હોવાથી અંકલેશ્વર નોટીફાઇડ એરિયા તેમજ નગર પાલિકા તરફથી તળાવમાં પાણીનો સંગ્રહ કરી લેવાયો છે. ઉદ્યોગો માટે 36 દિવસ ચાલે તેટલું અને પાલિકાએ 35 દિવસ સુધી ચાલે તેટલું પાણી કેનાલમાંથી મેળવી તેનો તળાવમાં સંગ્રહ કરી લીધો છે. નોટીફાઈડ વિભાગે ચાલુ વર્ષે તળાવને ઉંડુ કરાવતાં પાણીની સંગ્રહ ક્ષમતામાં વધારો થયો છે પણ જરૂર પડયે ઝઘડિયાથી પાણી મેળવવામાં આવશે.