• નબીપુર-અસુરીયા નજીક NH-48 પર અકસ્માત

• 2 આઇસર ટેમ્પો વચ્ચે સર્જાયો ગંભીર અકસ્માત

• સદનશીબે અકસ્માતમાં કોઈ જાનહાનિ નહીં થઈ

• અકસ્માતના પગલે હાઇવે માર્ગ ઉપર ટ્રાફિકજામ

• પોલીસે ક્રેનની મદદ લઈ ટ્રાફીકને હળવો કરાવ્યો

ભરૂચ જિલ્લાના નબીપુર-અસુરીયા નજીક NH-48 પર 2 ટેમ્પો વચ્ચે અકસ્માત સર્જાયો હતો. જોકે, આ અકસ્માતમાં સદનશીબે કોઈ જાનહાનિ નહીં થતાં લોકોએ રાહત અનુભવી હતી.

ભરૂચ જિલ્લાના નબીપુર-અસુરીયા નજીક NH-48 ઉપર નબીપુર અને અસુરીઆ વચ્ચે ભરૂચ તરફ જવાના માર્ગ પર 2 ટેમ્પો વચ્ચે માર્ગ અકસ્માત સર્જાયો હતો. જેમાં કડીથી સુરત તરફ કપચી ભરીને જઈ રહેલા એક આઇસર ટેમ્પો અન્ય આઇસર ટેમ્પો સાથે ભટકાતા બન્ને ટેમ્પો રોડ પર પલટી મારી ગયા હતા. જેના કારણે નેશનલ હાઇવે પર ટ્રાફિક જામ સર્જાયો હતો. સદનસીબે આ અકસ્માતમાં કોઈ જાનહાનિ નહીં થતાં લોકોએ રાહત અનુભવી હતી. બનાવની જાણ થતાં જ સ્થાનિક પોલીસ અને ભરૂચ ટ્રાફીક પોલીસે ઘટના સ્થળે પહોંચી ક્રેનની મદદથી ટ્રાફીક હળવો કરાવ્યો હતો.