ભરૂચ: વરસાદી માહોલ વચ્ચે ફાંટા તળાવ વિસ્તારમાં ગંદકીએ માઝા મૂકી, સ્થાનિકો ત્રાહિમામ

• ભરૂચના ફાંટા તળાવ વિસ્તારના દ્રશ્યો

• વરસાદી માહોલ વચ્ચે ગંદકીના દ્રશ્યો

• ગંદકીએ માઝા મુકતા સ્થાનિકો ત્રાહિમામ

• રોગચાળો ફાટી નિકળવાની દહેશત

• નગર સેવા સદને પ્રશ્નના નિરાકરણની આપી ખાતરી

ભરૂચ નગર સેવા સદનના વોર્ડ નંબર આઠમાં આવેલ ફાટા તળાવ અને તેની આસપાસના વિસ્તારોમાં ગંદકીનું સામ્રાજ્ય જોવા મળી રહ્યું છે. હાલમાં જ વરસેલા વરસાદમાં ગંદકીએ જાણે માઝા મૂકી હોય તેવા દ્રશ્યો જોવા મળી રહ્યા છે.ગંદકીના કારણે સ્થાનિકો ત્રાહિમામ પોકારી ઊઠ્યા છે.આ અંગે નગર સેવા સદનમાં રજૂઆત કરવા છતાં કોઈ પરિણામ આવ્યું ન હોવાના સ્થાનિકોએ આક્ષેપ કર્યા હતા. ગંદકીના કારણે મચ્છરોનો ઉપદ્રવ વધતાં રોગચાળો ફાટી નીકળવાની પણ દહેશત વર્તાઈ રહી છે ત્યારે આ અંગે નગર સેવા સદનના પ્રમુખ વિભૂતિ યાદવે જણાવ્યું હતું કે આવનારા સમયમાં ગંદકીના આ પ્રશ્નને દૂર કરવામાં આવશે સાથે ચોમાસાના સમયમાં ગંદકી ન થાય તેની તકેદારી રાખવા તેઓએ શહેરીજનોને અપીલ કરી હતી