કલકત્તામાં ટ્રેઇની ડોક્ટર સાથે રેપ વિથ મર્ડરનો મામલો સામે આવ્યો છે.જેના સમગ્ર દેશમાં ઘેરા પ્રત્યાઘાતો પડી રહ્યા છે અને દેશમાં ઠેર ઠેર વિરોધ પ્રદર્શન યોજાય રહ્યા છે ત્યારે  ભરૂચના ઇન્ડિયન મેડિકલ એશોશિએશન,ઇન્ડીયન ડેન્ટલ એશોશિએશન અને અનેક સંસ્થાઓ સાથે શહેરના પાંચબત્તી ખાતે એકત્ર થઈને સેક્રેટરી પ્રગતિ બારોટની આગેવાનીમાં પાંચબત્તીથી હોસ્ટેલ ગ્રાઉન્ડ સુધી  કેન્ડલ માર્ચ યોજીને આરોપીઓને કડકમાં કડક સજા કરાય તેવી માંગ કરાઈ હતી.

આ તરફ ભરૂચમાં વસતા બંગાળી સમાજ દ્વારા પણ કેન્ડલ માર્ચનું આયોજન કરવામાં આવ્યું હતું અને કલકત્તામાં બનેલી રેપ વિથ મર્ડરની ઘટનામાં વિરોધ નોંધાવવામાં આવ્યો હતો. બંગાળી સમાજ દ્વારા જવાબદારો સામે કડક કાર્યવાહીની માંગ કરવામાં આવી છે. વી વોન્ટ જસ્ટિસના પોસ્ટર સાથે મોટી સંખ્યામાં લોકો આ પ્રદર્શનમાં જોડાયા હતા