ભરૂચ: અનરાધાર વરસાદમાં વાલિયાના ડહેલી ગામ નજીક બનાવાયેલ ડાયવર્ઝન ધોવાયું, વાહનચાલકો અટવાયા

ભરૂચના વાલિયા-વાડી માર્ગ ઉપર ડહેલી ગામ પાસે કિમ નદી પરનું ડાઈવર્ઝન ધોવાઈ જતા ભારે વાહનો ચાલકો અટવાઈ પડ્યા હતા. ભરૂચના વાલિયા તાલુકામાં અને ઉપરવાસમાં ભારે વરસાદને પગલે નદી-નાળા છલકાઈ ગયા છે.જેને કારણે અનેક સ્થળે વાહન વ્યવહાર બંધ કરવાની ફરજ પડી હતી ત્યારે નેત્રંગ-વાલિયા માર્ગ ઉપર ચંદેરીયા પાસેનું ડાઈવર્ઝન, મોરિયાણા, જુના નેત્રંગ પાસેનું ડાઈવર્ઝન સહિત વાલિયા-વાડી માર્ગ ઉપર ડહેલી ગામ પાસે કિમ નદીનું ડાઈવર્ઝન પણ ધોવાઈ ગયું હતું.જેને કારણે ભારે વાહનોનો પ્રવેશ બંધ કરવામાં આવ્યો છે.તો બીજી તરફ વાલિયા પોલીસ દ્વારા વાહન ચાલકો હેરાન પરેશાન નહીં બને તે માટે વિવિધ પોઇન્ટ પર ખડેપગે ફરજ અદા કરી માર્ગદર્શન પૂરું પાડવામાં આવી રહ્યું છે.