ભરૂચ: હેલિકોપ્ટર લઇ પરણવા આવેલા વરરાજાને જોવા ગામ આખું ઉમટ્યૂ,જુઓ અનોખી જાનના દ્રશ્યો

ભરૂચના ઝઘડિયાના ખરચી ગામનો અજયકુમાર યુવક હેલિકોપ્ટરમાં જાન લઈને ભરૂચના જ નિકોરા ગામ ખાતે પહોંચ્યો હતો જે લોકોમાં આકર્ષણનું કેન્દ્ર બન્યો હતો

author-image
By Connect Gujarat Desk in ભરૂચ સમાચાર
New Update

  • ભરૂચમાં લગ્નસરાની સિઝન

  • ખરચી ગામેથી નિકળી અનોખી જાન

  • વરરાજા હેલિકોપ્ટર લઈ પરણવા નિકળ્યા

  • પંથકમાં ચર્ચાનું કેન્દ્ર

  • હેલિકોપ્ટરમાં જાન નિકોરા ગામે પહોંચી

સમગ્ર ગુજરાત રાજ્યમાં હાલમાં લગ્નની સિઝન ચાલી રહી છે ત્યારે ભરૂચના ઝઘડિયાના ખરચી ગામનો એક યુવક હેલિકોપ્ટરમાં જાન લઈને ભરૂચના જ નિકોરા ગામ પહોંચ્યો હતો જે લોકોમાં આકર્ષણનું કેન્દ્ર બન્યો હતો
ગુજરાત રાજ્યમાં ગામડાઓમાં હેલિકોપ્ટરમાં બેસી પરણવા આવવાનો ક્રેઝ વધ્યો છે ત્યારે હાલમાં લગ્નની સિઝન ચાલી રહી છે. જીવનના આ પ્રસંગને વધુ યાદગાર બનાવવા નવયુગલો અવનવી રીતો અજમાવતા હોય છે. શહેરોમાં લક્ઝ્યુરિયસ ગાડીઓમાં બેસીને વરરાજા જાન લઇને આવતા હોય છે તો ક્યાંક ભાતીગળ બળદગાડામાં જાનૈયાઓ જોતરાય છે.
તો ક્યાંક જાન ટ્રેક્ટર કે ટ્રોલીમાં અથવા તો JCB મશીનમાં વરરાજા નીકળ્યા હોવાના વીડિયો સામે આવ્યા છે ત્યારે ભરૂચના ઝઘડિયાના ખરચી ગામના સુખદેવ વસાવાના પુત્ર અજયકુમારના ગતરોજ થયેલા લગ્નમાં ખરચી આખું ગામ હિલોળે ચઢ્યું હતું જેનું કારણ હતું કે,અજયકુમાર પોતાના પરિવાર સાથે ભરૂચ તાલુકાના એક નાનકડા નિકોરા ગામના રામજી ત્રિભોવનભાઈ વસાવાની સુપુત્રી વૈશાલી કુમારી સાથે લગ્ન કરવા હેલિકોપ્ટરથી જાન લઈને આવતાં હેલિકોપ્ટરને જોવા લોકોના ટોળા ઉમટ્યાં હતાં.
અજયકુમાર લગ્ન કરીને વૈશાલીને હેલિકોપ્ટરમાં જ પોતાના ઘરે લઈ ગયો હતો. જોકે અહીંયા કોઈ પણ ઘટના ન બને તે માટે ફાયર અને એમ્બ્યુલન્સ સહિતના  બંદોબસ્ત સાથે બોડીગાર્ડ પણ રાખવામાં આવ્યા હતા.
#marriage #Nikora Village #bride and groom #helicopter #bridegroom #Kharchi village #groom
Related Articles
Read the Next Article

અંકલેશ્વર: ક્રાઇમ બ્રાન્ચે નવી નગરીમાંથી રૂ.86 હજારના વિદેશી દારૂના જથ્થા સાથે બુટલેગરની કરી ધરપકડ

ભરૂચ ક્રાઇમ બ્રાન્ચે અંકલેશ્વર શહેરના નવી નગરીમાં દેવ સર્વિસ  સ્ટેશનની બાજુમાંથી કુખ્યાત બુટલેગરને વિદેશી દારૂના જથ્થા સાથે ઝડપી પાડ્યો હતો.

author-image
By Connect Gujarat Desk in ભરૂચ સમાચાર
New Update
aassdf

ભરૂચ ક્રાઇમ બ્રાન્ચે અંકલેશ્વર શહેરના નવી નગરીમાં દેવ સર્વિસ  સ્ટેશનની બાજુમાંથી કુખ્યાત બુટલેગરને વિદેશી દારૂના જથ્થા સાથે ઝડપી પાડ્યો હતો.

ભરૂચ એલસીબીનો સ્ટાફ અંકલેશ્વર વિસ્તારમાં પેટ્રોલિંગમાં હતો તે દરમિયાન બાતમી મળી હતી કે અંકલેશ્વર શહેરના નવી નગરીમાં દેવ સર્વિસ  સ્ટેશનની બાજુમાં રહેતો કુખ્યાત બુટલેગર ઇમરાન ઉર્ફે મરઘી પોતાના ઘરે વિદેશી દારૂનો જથ્થો લાવી સંતાડી રાખ્યો છે.જેવી બાતમીના આધારે પોલીસે દરોડા પાડ્યા હતા પોલીસે સ્થળ પરથી વિદેશી દારૂની 120 નંગ બોટલ મળી આવી હતી.પોલીસે 86 હજારનો દારૂ અને ફોન મળી કુલ 92 હજારથી વધુનો મુદ્દામાલ કબ્જે કર્યો હતો અને નવી નગરીમાં રહેતો કુખ્યાત બુટલેગર ઇમરાન ઉર્ફે મરઘી દિલાવરશા દિવાનને ઝડપી પાડ્યો હતો.જ્યારે સવિતા યાદવ,લલિતા વસાવા અને અરવિંદ સુકલાને વોન્ટેડ જાહેર કર્યો હતો.
#CGNews #Foreign Liquor #Crime branch #Ankleshwar #Bharuch