ભરૂચ: એક્સપ્રેસ વેના ટોલપ્લાઝા નજીક 2 યુવાનો પર જીવલેણ હુમલો,પોલીસ તપાસ શરૂ

ભરૂચના આમોદ તાલુકાના માતર ગામના બે યુવાનોને જમવાની લાલચ આપી જાનથી મારી નાખવાની કોશિશ કરવામાં આવતા પોલીસ ફરિયાદ નોંધાઈ હતી

ભરૂચના આમોદ તાલુકાના માતર ગામના એજાજ અને પ્રદીપ નામના યુવાન ઉપર ભરૂચ દિલ્હી મુંબઈ એક્સપ્રેસવે ટોલનાકા પાસે જીવલેણ હુમલો કરવામાં આવ્યો હતો.અપહરણ કરવાના ઇરાદે બંને યુવાનો ઉપર તીક્ષણ હથિયાર વડે હુમલો કરવામાં આવ્યો હતો.કરજણ તાલુકાના સાંપા ગામના અને વલણ ગામના અને પાદરા તાલુકાના આતી ગામના યુવાનોએ તિક્ષણ હથિયાર વડે માતર ગામના યુવાનો ઉપર કોઈ જૂની અદાવત રાખી જીવલેણ હુમલો કર્યો હોવાનો આક્ષેપ કરવામાં આવ્યો છે.

જ્યારે એજાજ અને પ્રદીપને ઢોર માર મારી બંનેને દિલ્હી મુંબઈ એક્સપ્રેસવે ભરૂચ દેહગામ ટોલ નાકા પાસે નાખી અસામાજિક તત્વો ત્યાંથી ફરાર થઈ ગયા હતા એઝાઝ નામના યુવકે તેના સગા સંબંધીને પોતાન પર હુમલો થયો હોવાની જાણ કરતા તેઓ સ્થળ પર દોડી આવી ઇજાગ્રસ્તને પોતાના ઘરે આવ્યા હતા ત્યાંથી આમોદ અને વધુ સારવાર અર્થે 108 મારફતે ભરૂચ સિવિલ હોસ્પિટલ ખાતે ખસેડવામાં આવ્યા હતા.