• એમ.કે.ઇન્સ્ટીટ્યુટ દ્વારા કરવામાં આવ્યું વિશેષ આયોજન

• વિદ્યાર્થીઓમાં શારીરીક તથા માનસીક વિકાસનો સંકલ્પ

• “હેલ્થ ઈઝ વેલ્થ” કાર્યક્રમ અંતર્ગત વિવિધ રમતો યોજાય

• વોલીબોલ, ક્રિકેટ, કબ્બડી, બેડમિન્ટન રમતનો સમાવેશ

• મોટી સંખ્યામાં કોલેજના વિદ્યાર્થીઓએ ઉત્સાહભેર ભાગ લીધો

વિદ્યાર્થીઓના શારીરીક તથા માનસીક વિકાસના સંકલ્પ સાથે ભરૂચ શહેરની એમ.કે.ઇન્સ્ટીટ્યુટ દ્વારા “હેલ્થ ઈઝ વેલ્થ” કાર્યક્રમ અંતર્ગત વિવિધ રમતોનું આયોજન કરવામાં આવ્યું છે.

શ્રી સદવિધા મંડળ સંચાલિત એમ.કે.ઇન્સ્ટીટ્યુટ ઓફ કોમ્યુટર સ્ટુડન્ટ દ્વારા “હેલ્થ ઈઝ વેલ્થ” અને વિદ્યાર્થીઓના શારીરીક તથા માનસીક વિકાસના સંકલ્પ સાથે તા. 13થી 16 જાન્યુઆરી-2025 સુધી સ્પોર્ટ્સ ડેનું આયોજન કરવામાં આવ્યું છે. હાલના સમયમાં વિદ્યાર્થીઓ સમગ્ર દિવસ મોબાઈલમાં ગેમ રમવામાં પસાર કરતાં હોય છે, જેથી “હેલ્થ ઈઝ વેલ્થ”ના હેતુને ધ્યાનમાં રાખી વિવિધ રમતો જેવી કે, વોલીબોલ, ક્રિકેટ, કબ્બડી, બેડમિન્ટન, ખો-ખો અને ફુટબોલની રમતનું આયોજન કરવામાં આવ્યું છે. આ ઉપરાંત જુની વિસરાય ગયેલી રમતો જેવી કે, સતોડિયુંનું પણ આયોજન કરવામાં આવ્યું છે. આ સ્પોર્ટ્સ ડેમાં કોલેજના આશરે 300 વિદ્યાર્થીઓએ ઉત્સાહભેર ભાગ લીધો હતો. આ પ્રસંગે સંસ્થાના ડિરેક્ટર જીવરાજ પટેલ, ઇન્ચાર્જ પ્રિન્સીપાલ ડો. જાગીન પટેલ તથા કોલેજ પરિવાર સહિત મોટી સંખ્યામાં વિદ્યાર્થીઓ ઉપસ્થિત રહ્યા હતા.