By
New Update
-
ભરૂચના કતોપોર બજારનો બનાવ
-
બેકાબુ ટેમ્પાના કારણે અકસ્માત
-
3 વાહનોને લીધા અડફેટે
-
સારવાર દરમ્યાન મહિલાનું મોત
-
પોલીસે તપાસ શરૂ કરી
ભરૂચના કતોપોર બજાર વિસ્તારમાં બેકાબુ બનેલા ટેમ્પાએ ત્રણથી વધુ વાહનોને અડફેટમાં લીધા હતા.જેમાં એક મહિલાને ગંભીર ઇજાઓ થતાં સારવાર દરમિયાન મોત નીપજ્યું હતું. ઘટના પગલે મોટી સંખ્યામાં લોકટોળા ઉમટી પડ્યા હતા.
વડોદરાના ધનિયાવી ખાતે રહેતો પરિવાર ભરૂચના કતોપોર બજારમાં ખરીદી માટે આવ્યો હતો.આ સમયે ગતરોજ રાત્રીના તેઓ બજારમાં ફરી રહ્યા હતા તે સમયે ભરૂચના આમોદ ખાતે રહેતા આઈસર ટેમ્પો ચાલક ઇમરાન ઈકબાલ પટેલ ટેમ્પોમાં લાકડા ભરીને કતોપોર બજાર તરફ જઈ રહ્યો હતો.આ સમયે તેણે સ્ટીયરીંગ પરનો કાબૂ ગુમાવતાં ટેમ્પો પુરઝડપે હંકારી લાવી માર્ગ પર ચાલતી મહિલા ફરજના ઉસ્માન યાકુબ કારભારીને અડફેટેમાં લેતા તે ટેમ્પોના નીચે આવી ગઈ હતી.જેમાં મહિલાને ગંભીર ઇજા પહોંચતા તેને સારવાર અર્થે ખાનગી હોસ્પિટલ ખસેડવામાં આવી હતી જો કે મહિલાનું સારવાર દરમ્યાન મોત નિપજ્યું હતું. ટેમ્પો ચાલકે બીજા ત્રણ જેટલા વાહનોને પણ અડફેટમાં લેતા વાહનને નુકશાન પહોચ્યું હતું.આ મામલે બી ડીવીઝન પોલીસે ટેમ્પો ચાલકની અટકાયત કરી તેની વિરુદ્ધ કાયદેસરની કાર્યવાહી હાથ ધરી છે.
Latest Stories