અંકલેશ્વર: GIDCના કમલ ગાર્ડન નજીક કારમાં આગ, ફાયર વિભાગે આગ પર મેળવ્યો કાબુ

• અંકલેશ્વરમાં ફરીવાર આગનો બનાવ

• કમલમ ગાર્ડન નજીક કારમાં આગ

• કારચાલકનો આબાદ બચાવ

• ફાયર વિભાગે આગ પર કાબુ મેળવ્યો

• લોકોના ટોળા થયા એકત્રિત

ઉનાળાની કાળજાળ ગરમી વચ્ચે અંકલેશ્વરમાં ફરી એકવાર આગનો બનાવ સામે આવ્યો છે અંકલેશ્વર જીઆઇડીસીના રહેણાંક વિસ્તારમાં આવેલ કમલમ ગાર્ડન નજીક એક કારમાં અચાનક આગ ફાટી નીકળી હતી આગના પગલે કારચાલક સમયસૂચકતા વાપરી નીચે ઉતરી જતા તેનો આબાદ બચાવો થયો હતો.

 જોતજોતામાં કાર આગની ચપેટમાં આવી ગઈ હતી આ અંગેની જાણ કરવામાં આવતા જ અંકલેશ્વર ડીપીએમસીના ફાયર ફાઈટરો ઘટના સ્થળે દોડી આવ્યા હતા અને આગ પર કાબુ મેળવ્યો હતો. ઘટનાના પગલે સ્થળ પર લોકોના ટોળા ભેગા થઈ ગયા હતા.સીએનજી કારમાં આગ લાગી હોવાનું સામે આવી રહ્યું છે. ઉનાળાની કાળજાળ ગરમીમાં અંકલેશ્વરમાં વાહનો તેમજ કંપનીઓમાં આગ લાગવાના બનાવવામાં વધારો થયો છે જે ચિંતાજનક કહી શકાય.