સમગ્ર દક્ષિણ ગુજરાત સહિત ભરૂચ જિલ્લામાં વિતેલા 24 કલાકમાં સાર્વત્રિક વરસાદ નોંધાયો હતો.ભરૂચના નેત્રંગ પંથકમાં 7 ઇંચ વરસાદ નોંધાતા ખેડૂતોમાં ખુશીનો માહોલ જોવા મળી રહ્યો છે
દક્ષિણ ગુજરાત સહિત સમગ્ર ગુજરાતમાં ચોમાસુ ધીમે ધીમે જામતું જાય છે ત્યારે સમગ્ર દક્ષિણ ગુજરાતના વિવિધ જિલ્લાઓમાં વરસાદ વરસ્યો હતો ભરૂચ જિલ્લાની જો વાત કરવામાં આવે તો ભરૂચ જિલ્લાના તમામ નવ તાલુકાઓમાં પણ સાર્વત્રિક વરસાદ નોંધાયો હતો. છેલ્લા 24 કલાકમાં ભરૂચ જિલ્લામાં વરસેલ વરસાદના તાલુકાવાર આંકડા પર નજર કરીએ તો અંકલેશ્વરમાં 1.75 ઈંચ, આમોદમાં 1 ઇંચ,જંબુસરમાં 1.5 ઇંચ, ઝઘડીયામાં 1.75 ઇંચ, નેત્રંગમાં 7.12 ઇંચ,ભરૂચમાં 1 ઇંચ, વાગરામાં એક ઈંચ, વાલિયામાં 4 ઇંચ અને હાસોટમાં 1 ઇંચ વરસાદ નોંધાયો હતો.ટ્રાયબલ વિસ્તાર નેત્રંગમાં સૌથી વધુ સાત ઇંચ વરસાદ નોંધાયો છે જેના કારણે ખેડૂતોમાં ખુશીનો માહોલ જોવા મળી રહ્યો છે.