અંકલેશ્વર: નવા વર્ષના પ્રથમ દિવસે જ વૃદ્ધે જીવ ગુમાવ્યો, હાઇવે પર અજાણ્યા વાહનની ટકકરે નિપજ્યું મોત

વૃદ્ધને સારવાર મળે તે પૂર્વે જ મોત નીપજ્યું હતું. આ તરફ અકસ્માતના પગલે થોડો સમય માટે હાઈવે પર ટ્રાફિક જામની પરિસ્થિતિનું નિર્માણ થયું હતું

By Connect Gujarat Desk 02 Nov 2024 in ભરૂચ ગુજરાત

New Update

અંકલેશ્વર નજીક નેશનલ હાઈવે પર સાળંગપુર પાટિયા પાસે અજાણ્યા વાહનની ટક્કરે સાયકલ સવાર વૃદ્ધનું કમકમાટી ભર્યું મોત નિપજ્યુ હતું. અંકલેશ્વર નજીક નેશનલ હાઇવે નંબર 48 પર નવા વર્ષના પ્રથમ દિવસે જ અકસ્માત સર્જાયો હતો નેશનલ હાઇવે નંબર 48 પરથી એક સાયકલ સવાર વૃદ્ધ પસાર થઈ રહ્યા હતા ત્યારે અંકલેશ્વરના સારંગપુર પાટિયા નજીક પૂરઝડપે જતા અજાણ્યા વાહન ચાલકે સાયકલ સવાર વૃદ્ધને ટક્કર મારતા તેઓ માર્ગ પર પટકાયા હતા.

જેમાં ગંભીર ઇજાના પગલે તેઓનું ઘટનાસ્થળે જ કમકમાટી ભર્યું મોત નિપજ્યું હતું.બનાવની જાણ થતાની સાથે જ 108 એમ્બ્યુલન્સ ઘટના સ્થળે દોડી આવી હતી.જોકે વૃદ્ધને સારવાર મળે તે પૂર્વે જ મોત નીપજ્યું હતું. આ તરફ અકસ્માતના પગલે થોડો સમય માટે હાઈવે પર ટ્રાફિક જામની પરિસ્થિતિનું નિર્માણ થયું હતું તો પોલીસે આ મામલે અજાણ્યા વાહન ચાલક સામે ગુનો નોંધી કાયદેસરની કાર્યવાહી હાથ ધરી છે

#road accident #accident news #road accidents #Ankleshwar Accident #અકસ્માત #માર્ગ અકસ્માત