ભરૂચ: આમોદના આછોદ ગામ નજીક ટ્રક ચાલકે ટ્રેક્ટરને ટક્કર મારતા અકસ્માત, ટ્રેકટર સવાર એક વ્યક્તિનું મોત

ટ્રક ચાલકે ટ્રક પુરઝડપે અને ગફલતભરી રીતે હંકારી લાવી ટ્રેકટરને પાછળથી ટક્કર મારતાં ટ્રેક્ટર રોડની ડાબી બાજુ પલ્ટી મારી ગયું જેમાં ટ્રેક્ટર ચાલકનું મોત નીપજ્યું

author-image
By Connect Gujarat Desk in ભરૂચ સમાચાર
New Update
achod accident
ભરૂચના આમોદ તાલુકાના આછોદ ગામ નજીક ટ્રક ચાલકે પાછળથી ટ્રેકટરને ટક્કર મારતાં ટ્રેકટરમાં સવાર એક વ્યક્તિનું ઘટના સ્થળે જ મોત થયું હતું. જયારે ટ્રેકટર ચાલકને ઇજા થતાં તેને સારવાર અર્થે ખસેડવામાં આવ્યો હતો
ભરૂચના આમોદ તાલુકાના આછોદ ગામે રહેતાં 54 વર્ષીય ભરતભાઇ  રાઠોડ  ટ્રેકટર નંબર- GJ-16-DC-1141માં બેસીને આછોદ ગામથી રોઝાટંકારીયા ગામ તરફ બકરા માટે ચારો લેવા જતા હતા તે દરમિયાન આછોદ ગામ પાસે આવેલ વેસ્પુન કંપની નજીક પાછળથી ટ્રક નંબર GJ-06-AU-8878 ના ચાલક અહેમદહુસેન લાલમોહમદ મકરાણીએ ટ્રક પુરઝડપે અને ગફલતભરી રીતે હંકારી લાવી ટ્રેકટરને પાછળથી ટક્કર મારતાં ટ્રેક્ટર રોડની ડાબી બાજુ પલ્ટી મારી ગયું હતું.
જેમાં ભરતભાઈ રાઠોડ ટ્રેકટરની નીચે દબાઈ જતાં તેમનુ સ્થળ ઉપર જ કરૂણ મોત થયું હતું.જયારે ટ્રેક્ટરના ચાલક મુકેશ રાઠોડને  નાની મોટી ઇજા પહોંચતા સારવાર અર્થે ખસેડવામાં આવ્યો હતો.બનાવની તપાસ આમોદ પોલીસ ચલાવી રહી છે.
#Bharuch News #Connect Gujarat #અકસ્માત #Achod village #accident #આછોદ ગામ
Related Articles