ભરૂચ- અંકલેશ્વરમાં સતત ત્રીજા દિવસે વરસાદી માહોલ, નીચાણવાળા વિસ્તારોમાં વરસાદી પાણી ભરાયા

ભરૂચ અને અંકલેશ્વરમાં ભર ઉનાળામાં છેલ્લા ત્રણ દિવસથી ચોમાસા જેવો માહોલ જોવા મળી રહ્યો છે.ત્રીજા દિવસે પણ વહેલી સવારથી જ કમોસમી વરસાદ વરસ્યો હતો.

author-image
By Connect Gujarat Desk in ભરૂચ સમાચાર
New Update

  • ભરૂચમાં ભરઉનાળે ચોમાસુ

  • સતત ત્રીજા દિવસે વરસાદી માહોલ

  • નીચાણવાળા વિસ્તારોમાં વરસાદી પાણી ભરાયા

  • વહેલી સવારથી જ વરસાદ

  • ખેડૂતો ચિંતામાં મુકાયા

Advertisment W3.CSS
ભરૂચ અને અંકલેશ્વર સહિત સમગ્ર જિલ્લામાં સતત ત્રીજા દિવસે વરસાદી માહોલ જોવા મળી રહ્યો છે વરસાદ વરસતા નીચાણવાળા વિસ્તારોમાં વરસાદી પાણી ભરાયા હતા તો બીજી તરફ ખેડૂતોના લલાટે ચિંતાની લકીર જોવા મળી રહી છે

ભરૂચ શહેરમાં વરસાદ વરસતા વાતાવરણમાં ઠંડક પ્રસરી હતી પરંતુ ચોમાસાની જેમ જ વિવિધ વિસ્તારોમાં વરસાદી પાણી પણ ભરાયા હતા.ભરૂચ કલેકટર કચેરી નજીક આવેલ ગરનાળામાં તેમજ શક્તિનાથ નજીક આવેલ સરદાર શોપિંગ સેન્ટરમાં વરસાદી પાણી ભરાઈ જતા લોકોએ મુશ્કેલીનો સામનો કરવાનો વારો આવ્યો હતો.

ભરૂચ જિલ્લામાં સવારના સમયે વરસેલ વરસાદના તાલુકા આંકડા પર નજર કરીએ તો આમોદમાં 7 મીલીમીટર, અંકલેશ્વરમાં 4 મિલિમિટર, હાંસોટમાં 1 મિલીમીટર, નેત્રંગમાં 1 મિલીમીટર, ઝઘડિયામાં 4 મિલિમિટર, જંબુસરમાં 14 મીલીમીટર વાગરામાં 20 મિલિમિટર અને ભરૂચમાં 20 મિલિમિટર વરસાદ નોંધાયો હતો. કમોસમી વરસાદના કારણે ખેડૂતોના લલાટે ચિંતાની લકીર જોવા મળી રહી છે.
તો આ તરફ અંકલેશ્વરમાં પણ વહેલી સવારથી જ મેઘરાજાની પધરામણી થઈ હતી જેના પગલે ઠેર ઠેર વૃક્ષો ધરાશાઇ થવાની ઘટના બની હતી.અંકલેશ્વર જીઆઇડીસીમાં આવેલ સ્પોર્ટ કોમ્પ્લેક્સ  નજીક ચાલુ કાર પર વૃક્ષ ધરાશાય થઈ ગયુ હતું જેમાં કારચાલકનો આબાદ બચાવ થયો હતો. તંત્ર દ્વારા વૃક્ષને હટાવવાની કામગીરી શરૂ કરવામાં આવી હતી હવામાન વિભાગ દ્વારા હજુ પણ આગામી બે દિવસ માવઠાની આગાહી કરવામાં આવી છે.
#CGNews #Rainfall #Heavy Rain #Ankleshwar #Bharuch #Gujarat
Related Articles
Read the Next Article

ભરૂચ: જંબુસરના કલીયારી ગામ નજીકથી યુવાનનો મૃતદેહ મળી આવ્યો, કાવી પોલીસે તપાસ શરૂ કરી

ભરૂચના જંબુસરના કાવી પોલીસ સ્ટેશનની હદમાં આવેલા કલીયારી અને દહરી ગામ વચ્ચે આવેલ પડતર જમીનમાં લીમડાના વૃક્ષ નીચેથી એક વ્યક્તિનો મૃતદેહ મળી આવ્યો હતો

author-image
By Connect Gujarat Desk in ભરૂચ Featured
New Update
kavi

ભરૂચના જંબુસર તાલુકાના કલિયારી અને દહેરી ગામ વચ્ચે વૃક્ષ નીચેથી એક યુવાનનો મૃતદેહ મળી આવતા ખળભળાટ મચી જવા પામ્યો છે.

Advertisment W3.CSS
ભરૂચના જંબુસરના કાવી પોલીસ સ્ટેશનની હદમાં આવેલા કલીયારી અને દહરી ગામ વચ્ચે આવેલ પડતર જમીનમાં લીમડાના વૃક્ષ નીચેથી એક વ્યક્તિનો મૃતદેહ મળી આવ્યો હતો.આ અંગે સ્થાનિકોએ પોલીસને જાણ કરતા કાવી પોલીસનો કાફલો ઘટના સ્થળે પહોંચ્યો હતો અને તપાસ શરૂ કરી હતી જેમાં મૃતકનું નામ પ્રતાપ પુના રાઠોડ હોવાનું જાણવા મળ્યું છે. પોલીસેમૃતદેહનો કબજો મેળવી તેને જંબુસર સબ ડિસ્ટ્રિક્ટ હોસ્પિટલ ખાતે પોસ્ટમોર્ટમ અર્થે ખસેડયો હતો.યુવાનનું મોત કઈ રીતે નીપજ્યું છે તે જાણવા પોલીસે તપાસ શરૂ કરી છે.
Latest Stories