અંકલેશ્વર: GIDCના રહેણાંક વિસ્તારમાં રખડતા ઢોરનો ત્રાસ

એશિયાની સૌથી મોટી ઔદ્યોગિક વસાહત અંકલેશ્વર જીઆઇડીસીના રહેણાંક વિસ્તારોમાં દિવસને દિવસે રખડતા પશુઓનો ત્રાસ વધી રહ્યો છે.રખડતા ઢોરના કારણે અકસ્માતોના અનેક બનાવો બને છે. સાથે જ ટ્રાફિકજામની સમસ્યાનું પણ નિર્માણ થાય છે ત્યારે અંકલેશ્વર હાઉસિંગ એસોસિયેશનના સભ્યો અને મહિલાઓ દ્વારા અંકલેશ્વર નોટિફાઇડ એરીયા ઓથોરિટીના ચીફ ઓફિસરને રજૂઆત કરવામાં આવી હતી અને રહેણાંક વિસ્તારમાંથી રખડતા ઢોરનો ત્રાસ દૂર કરવા માંગણી કરવામાં આવી હતી.

આ તરફ નોટિફાઇડ એરીયા ઓથોરિટીના ચીફ ઓફિસર સી.કે.પટેલે બે દિવસમાં રસ્તે રખડતા ઢોરનો ત્રાસ દૂર કરવામાં આવશે એવુ આશ્વાસન આપ્યું હતું.

રસ્તે રખડતા ઢોરને પકડી ઢોરના માલિકો સામે કાર્યવાહી કરવામાં આવશે.