અંકલેશ્વર: રાજપીપળા ચોકડી નજીક ફરીવાર ટ્રાફિકજામની પરિસ્થિતિ, અનેક વાહનચાલકો અટવાયા

ટ્રાફિકજામની પરિસ્થિતિનું નિર્માણ થતાં અનેક વાહન ચાલકો અટવાયા હતા અંકલેશ્વર નજીક નેશનલ હાઇવે પર વારંવાર ટ્રાફિક જામની પરિસ્થિતિનું નિર્માણ થાય છે

author-image
By Connect Gujarat Desk in ભરૂચ સમાચાર
New Update

  • અંકલેશ્વરમાં ફરી વાર ટ્રાફિકજામની પરિસ્થિતિ

  • રાજપીપળા ચોકડી નજીક ભારે ટ્રાફિકજામ

  • જીઆઈડીસીમાં પ્રવેશવાના માર્ગ પર પણ ટ્રાફિકજામ

  • ટ્રાફિકજામમાં અનેક વાહનચાલકો અટવાયા

  • સમસ્યાનું કાયમી નિરાકરણ આવે એ જરૂરી

અંકલેશ્વરમાં ફરી એકવાર ટ્રાફિકજામની પરિસ્થિતિનું નિર્માણ થતાં અનેક વાહન ચાલકો અટવાયા હતા અંકલેશ્વર નજીક નેશનલ હાઇવે પર વારંવાર ટ્રાફિક જામની પરિસ્થિતિનું નિર્માણ થાય છે ત્યારે ફરી એકવાર ટ્રાફિક જામના દ્રશ્યો જોવા મળ્યા હતા. અંકલેશ્વરની રાજપીપળા ચોકડીથી લઈ સાળંગપુર સુધીના માર્ગ પર ટ્રાફિકજામ સર્જાયો હતો.
બીજી તરફ જીઆઇડીસીમાં પ્રવેશવાના માર્ગ પર પણ વાહનોની કતાર જોવા મળી હતી અને આ તરફ અંકલેશ્વર નેશનલ હાઇવેના સર્વિસ રોડથી લઈ સહયોગ હોટલ સુધી ટ્રાફિકજામ સર્જાયો હતો જેમાં અનેક વાહન ચાલકો અટવાયા હતા.
ટ્રાફિક જામની સર્જાતી વારંવારની પરિસ્થિતિથી વાહન ચાલકો ત્રાહિમામ પોકારી ઊઠ્યા છે ત્યારે આ પરિસ્થિતિ પર અંકુશ મેળવવા પોલીસ વિભાગ નક્કર આયોજન કરે તે અત્યંત જરૂરી છે.
#ટ્રાફિકજામ #Heavy traffic jam #Ankleshwar Traffic Jam #Traffic jam #ટ્રાફિકજામની સમસ્યા #Highway Traffic Jam
Related Articles
Read the Next Article

ભરૂચ જિલ્લામાં 67 ગ્રામપંચાયતની ચૂંટણીમાં આવતીકાલે મતદાન પ્રક્રિયા યોજાશે, વહીવટી તંત્ર બન્યું સજ્જ

ભરૂચ જિલ્લાની કુલ 67 ગ્રામપંચાયતોમાં મતદાન પ્રક્રિયા યોજાવાની છે.જિલ્લામાંથી 18 ગ્રામપંચાયતો સમરસ તરીકે જાહેર થવાથી ત્યાં ચૂંટણી યોજાવાની નથી

author-image
By Connect Gujarat Desk in ભરૂચ સમાચાર
New Update

  • આવતીકાલે ગ્રામપંચાયતોની ચૂંટણી

  • ભરૂચની 67 પંચાયતોમાં યોજાશે મતદાન

  • 18 પંચાયત સમરસ જાહેર થઈ

  • ચૂંટણીની સામગ્રી મતદાન મથકો પર કરાય રવાના

  • ચાંપતો પોલીસ બંદોબસ્ત ગોઠવાશે

પંચાયતી રાજના સૌથી મોટા લોક ઉત્સવ ગ્રામપંચાયતોની ચૂંટણીને લઇ ભરૂચ વહીવટી તંત્ર સજ્જ બન્યું છે. આજરોજ  મામલતદાર કચેરીઓ ખાતેથી ચૂંટણીની સામગ્રી અને કર્મચારીઓને મતદાન મથકો પર રવાના કરવામાં આવ્યા હતા
ભરૂચ જિલ્લામાં આવતીકાલે યોજાનાર ગ્રામપંચાયત ચૂંટણીને લઈ વહીવટી તંત્ર સજ્જ બન્યું છે.જિલ્લાના વિવિધ તાલુકાઓમાં આવેલ મામલતદાર કચેરીઓમાંથી ચૂંટણી સામગ્રી તથા સ્ટાફને મતદાન મથકો પર રવાના કરવામાં આવ્યા છે. આવતીકાલે તા.૨૨ જૂનના રોજ કુલ 67 ગ્રામપંચાયતોમાં મતદાન પ્રક્રિયા યોજાવાની છે.જિલ્લામાંથી 18 ગ્રામપંચાયતો સમરસ તરીકે જાહેર થવાથી ત્યાં ચૂંટણી યોજાવાની નથી. બાકીની 67 પંચાયતોમાં મતદાન માટે 174 મતદાન મથકો ગોઠવાયા છે.જ્યાં મતદારો સવારે ૭થી સાંજે ૬ વાગ્યા સુધીમાં  મતાધિકારનો ઉપયોગ કરી શકશે.
ભરૂચ જિલ્લામાં આવેલ 67 ગ્રામ પંચાયતોના 287 વોર્ડની ચૂંટણી પણ યોજાશે જેમાં 1.46 લાખ મતદારો પોતાના મત અધિકારનો ઉપયોગ કરશે જિલ્લાના કુલ 174 મતદાન મથકો પૈકી 20 મતદાન મથકોને અતિ સંવેદનશીલ તો 77 મતદાન મથકોને સંવેદનશીલ જાહેર કરવામાં આવ્યા છે આ તરફ 874 જેટલા સરકારી કર્મચારીઓ ચૂંટણીને કામગીરીમાં જોડાશે મતદાન દરમિયાન કોઈ અનિચ્છનીય બનાવ ન બને તે માટે 665 પોલીસ કર્મીઓ ખડે પગે તેનાત રહેશે ભરૂચ જિલ્લામાં શાંતિપૂર્ણ માહોલમાં ગ્રામ પંચાયતોની ચૂંટણી પૂર્ણ થાય તે માટે વહીવટી તંત્ર દ્વારા કવાયત હાથ ધરવામાં આવી છે.
#Gram Panchayat #Gram Panchayat Election #Gram Panchayat Election 2025 #ગ્રામ પંચાયતની ચૂંટણી