દાહોદ : 31stને લઈને તમામ ચેકપોસ્ટ પર પોલીસ તૈનાત, ડ્રોન કેમેરા અને બ્રીથ એનાલાઈઝરથી સઘન ચેકિંગ…

થર્ટી ફર્સ્ટની ઉજવણી પૂર્વે ગુજરાતને અન્ય રાજ્યો સાથે જોડતી તમામ બોર્ડરો પર રાજ્યના પોલીસ વિભાગ દ્વારા સઘન ચેકીંગ હાથ ધરવામાં આવ્યું છે,

author-image
By Connect Gujarat Desk in ગુજરાત સમાચાર
New Update

  • 31stની ઉજવણીને લઈને યુવાધનમાં છવાયો અનેરો ઉત્સાહ

  • ગુજરાત રાજ્યની બોર્ડરો પર પોલીસ દ્વારા સઘન ચેકીંગ

  • ઝાલોદ નજીક ઘાવડિયા ચેકપોસ્ટ પર ચેકિંગ હાથ ધરાયું

  • પોલીસે આવતા-જતાં તમામ વાહનોનું ચેકિંગ હાથ ધર્યું

  • બ્રીથ એનાલાઈઝર અને ડ્રોન કેમેરાથી પોલીસ દ્વારા ચેકિંગ

થર્ટી ફર્સ્ટની ઉજવણી પૂર્વે ગુજરાતને અન્ય રાજ્યો સાથે જોડતી તમામ બોર્ડરો પર રાજ્યના પોલીસ વિભાગ દ્વારા સઘન ચેકીંગ હાથ ધરવામાં આવ્યું છે, ત્યારે દાહોદ જિલ્લાના ઝાલોદ ગામ નજીક આવેલ ઘાવડિયા ચેકપોસ્ટ પર પોલીસે તમામ વાહનોનું ચેકિંગ હાથ ધર્યું હતું.

નવા વર્ષ 2025ને આવકારવા યુવાધનમાં અનેરો ઉત્સાહ જોવા મળી રહ્યો છે. તો બીજી તરફ, થર્ટી ફર્સ્ટને લઈને અનેક પાર્ટીઓના પણ આયોજનો પણ થવાના છે. થર્ટી ફર્સ્ટની રાત્રે લોકો નશાકારક દ્રવ્યોનું સેવન કરી નશામાં ધૂત થાય તો તેમના વિરુદ્ધ કાર્યવાહી કરવા રાજ્યભરમાં પોલીસ વિભાગ સજ્જ બન્યું છે, ત્યારે થર્ટી ફર્સ્ટને લઈ ગુજરાતને અન્ય રાજ્યો સાથે જોડતી તમામ બોર્ડરો પર પોલીસ દ્વારા સઘન ચેકીંગ હાથ ધરવામાં આવ્યું છે. તેવામાં દાહોદ જિલ્લા પોલીસવડા ડો. રાજદીપસિંહ ઝાલાના આદેશ અનુસાર પોલીસ જવાનોએ ચેકિંગ હાથ ધર્યું છે. ગુજરાત અને રાજસ્થાનને જોડતી બોર્ડર પર આવેલ દાહોદના ઝાલોદ ગામ નજીક ઘાવડિયા ચેકપોસ્ટ પર પોલીસે તમામ વાહનોનું ચેકિંગ તેમજ વાહનમાં સવાર લોકો નશામાં છે કે, કેમ તે માટે બ્રીથ એનાલાઈઝર, જ્યારે ડ્રોન કેમેરા વડે બોર્ડરો ઉપર પણ સતત બાજ નજર રાખવામાં આવી રહી છે. દાહોદ જિલ્લા પોલીસવડાની સાથે સ્થાનિક પોલીસ LCB, SOGની ટીમ પણ જોડાઈ હતી.

#Dahod police #CGNews #Dahod #check post #border #drone #Gujarat #smuggling foreign liquor #checking
Related Articles
Read the Next Article

રાજ્યના કેટલાક વિસ્તારોમાં આગામી ત્રણ કલાકમાં ભારેથી મધ્યમ અને હળવા વરસાદની આગાહી કરાઇ

રાજ્યના ઘણા વિસ્તારોમાં આજે હળવાથી ભારે વરસાદ પડ્યો છે. ભાવનગર પંથકમાં ભારે વરસાદ પડ્યો છે. તો બીજી તરફ આગામી ત્રણ કલાકમાં હળવાથી ભારે વરસાદની હવામાન વિભાગે આગાહી કરી છે

author-image
By Connect Gujarat Desk in ગુજરાત સમાચાર
New Update
વરસાદ

રાજ્યના ઘણા વિસ્તારોમાં આજે હળવાથી ભારે વરસાદ પડ્યો છે. ભાવનગર પંથકમાં ભારે વરસાદ પડ્યો છે.

તો બીજી તરફ આગામી ત્રણ કલાકમાં હળવાથી ભારે વરસાદની હવામાન વિભાગે આગાહી કરી છે. હવામાન વિભાગ અનુસાર રાજ્યના કેટલાક વિસ્તારોમાં આગામી ત્રણ કલાકમાં ભારેથી મધ્યમ અને હળવા વરસાદની આગાહી કરવામાં આવી છે.
 
રાજ્યના બનાસકાંઠા, સાબરકાંઠા, અરવલ્લી, મહેસાણા, પાટણ, ડાંગ, વલસાડ, દાદરા નગર હવેલી, દમણ, ગીર સોમનાથ, દીવ, અમરેલી, ભાવનગરમાં ગાજ વીજ સાથે ભારે વરસાદની આગાહી કરવામાં આવી છે.

જ્યારે મહીસાગર, દાહોદ, પંચમહાલ, છોટાઉદેપુર, ભરૂચ, વડોદરા, નર્મદા, તાપી, સુરત, નવસારી, આણંદ, ખેડા, ગાંધીનગર, અમદાવાદ, સુરેન્દ્રનગર, રાજકોટ, બોટાદ, જુનાગઢ અને પોરબંદરમાં મધ્યમ વરસાદની આગાહી કરવામાં આવી છે. આ ઉપરાંત કચ્છ, મોરબી, જામનગર અને દેવભૂમિ દ્વારકામાં હળવા વરસાદની આગાહી કરવામાં આવી છે.

ગુજરાતમાં છેલ્લા બે દિવસથી ભારે વરસાદ ખાબકી રહ્યો છે, સૌરાષ્ટ્રમાં ભાવનગર, અમરેલી અને બોટાદમાં ચોમાસાના પ્રથમ વરસાદે જ તબાહી મચાવી દીધી છે. ભારે વરસાદના કારણે રાજ્યના મોટાભાગના જળાશયો ભરાયા છે, જેમાં કેટલાકને હાઇ એલર્ટ અને એલર્ટ પર મુકવામાં આવ્યા છે. હાલમાં તાજા અપડેટ પ્રમાણે, રાજ્યમાં 11 જળાશયો હાઇએલર્ટ પર મુકવામાં આવ્યા છે. જેમાં 13 ડેમ એલર્ટ પર તો 10 જળાશય વૉર્નિંગ લેવલ પર મુકાયા છે. રાજ્યના 9 જળાશય 100 ટકા ભરાયા છે.