ગીર સોમનાથ : લાટી ગામના દરિયા કિનારે રહસ્યમય કન્ટેનર તણાઈ આવતા કુતુહલ,એજન્સીઓ દ્વારા તપાસ શરૂ

• લાટી દરિયા કિનારે તણાઈ આવ્યું રહસ્યમય કન્ટેનર 

• રહસ્યમય કન્ટેનરથી ગ્રામજનોમાં કુતુહલ

• તપાસમાં તાઇવાનના એક્વા પ્રેશર ટેન્ક મળી આવ્યા

• શિપમાંથી કન્ટેનર પડી ગયા બાદ તણાઈ આવ્યાનું અનુમાન

• કસ્ટમ અને પોલીસ વિભાગે શરૂ કરી કાર્યવાહી  

ગીર સોમનાથ જિલ્લામાં લાટી ગામના દરિયા કિનારે એક રહસ્યમય કન્ટેનર તણાઈને આવ્યું હતું. સ્થાનિક ગ્રામજનોએ કન્ટેનર જોતાં તરત જ પોલીસને જાણ કરી હતી.

ગીર સોમનાથ જિલ્લામાં લાટી ગામના દરિયા કિનારે એક રહસ્યમય કન્ટેનર તણાઈને આવતા ભારે કુતૂહલ સર્જાયું હતું.ઘટનાની માહિતી મળતા જ સુરક્ષા એજન્સીઓ એક્શનમાં આવી ગઈ હતી. ગીર સોમનાથ એસઓજી, એલસીબી, મામલતદાર અને કસ્ટમ વિભાગની ટીમો ઘટના સ્થળે પહોંચી હતી. સુરક્ષા એજન્સીઓ દ્વારા કન્ટેનરને દરિયા કિનારે લાવવામાં આવ્યું હતું.

પ્રાથમિક તપાસમાં એવું માનવામાં આવી રહ્યું છે કે આ કન્ટેનર કોઈ કાર્ગો શિપમાંથી દરિયામાં પડી ગયું હોઈ શકે છે.કસ્ટમ સહિતની એજન્સીઓ દ્વારા કન્ટેનર ખોલતા તાઇવાન બનાવટના એકવા પ્રેશર ટેન્ક હોવાનું સામે આવ્યું હતું.કસ્ટમ વિભાગ દ્વારા આ કન્ટેનર ક્યાંથી અપલોડ કરાયું અને ક્યાં જઈ રહ્યું હતું તે અંગે શિપિંગ એજન્સીઓ પાસેથી માહિતી એકત્ર કરવા માટેની કવાયત શરૂ કરવામાં આવી છે.