ગુજરાત : "ખરાબ અક્ષર અધૂરી કેળવણીની નિશાની છે"ગાંધીજીના આ વિચારને આત્મસાત કરી શાળાએ વિદ્યાર્થીઓને પ્રોત્સાહિત કર્યા

• ખરાબ અક્ષર અધૂરી કેળવણીની નિશાની છે

• ગાંધીજીના વિચારોથી વિદ્યાર્થીઓમાં આવ્યો બદલાવ

• સારા અક્ષર માટે વિદ્યાર્થીઓ થયા પ્રોત્સાહિત

• શાળાએ બાળકોને સુંદર અક્ષર માટે ધ્યેયમંત્ર આપ્યો

• સર્જનશીલતાના ગુણથી લેખનમાં ભૂલો ઘટી 

મહાત્મા ગાંધીએ કહ્યું છે કે  "ખરાબ અક્ષર અધૂરી કેળવણીની નિશાની છે." ગાંધીજીના આ વિચારને આત્મસાત કરી મહેસાણાની એક શાળામાં વિદ્યાર્થીઓને અક્ષર સુધારવા માટે પ્રોત્સાહિત કરવામાં આવી રહ્યા છે.

મહેસાણાના વિઠોડાની આ શાળાએ બાળકો સુંદર અક્ષર કાઢે તેને ઘ્યેયમંત્ર તરીકે અપનાવ્યો છે. 2010થી ચાલી રહેલા આ પ્રયાસને કારણે બાળકોના અક્ષર જ  સુધર્યા નથી, પણ ભાષા સાથે તેમનો સંબંધ પણ મજબૂત બન્યો છે. સુંદર લખાણને કારણે બાળકોનો આત્મવિશ્વાસ વધ્યો છે. આ પહેલથી વિદ્યાર્થીઓમાં શિસ્ત,ધીરજ અને સર્જનશીલતાના ગુણો પણ વિકસ્યાં છે. લેખનમાં ભૂલો ઘટી છે. આ પ્રકલ્પથી વિદ્યાર્થીઓ  પરીક્ષામાં સારા ગુણ પ્રાપ્ત કરી રહ્યાં છે,સાથે સાથે તેમનો ગુજરાતી ભાષા પ્રત્યે પ્રેમ વધ્યો છે.