બનાસકાંઠા : ગુજરાતી લોકગાયિકા કિંજલ દવેએ દેવ દિવાળી-કાર્તિકી પૂનમ નિમિત્તે અંબાજીમાં દર્શન કરી આશીર્વાદ મેળવ્યા...

દેવ દિવાળી અને કાર્તિકી પૂનમનો પવિત્ર અવસર

અંબાજી ખાતે માઁ અંબાના ધામમાં ઉમટ્યું ઘોડાપૂર

ગુજરાતી લોકગાયિકા કિંજલ દવે પહોચ્યા અંબાજી

કિંજલ દવેએ માઁ અંબાના દર્શન કરી ધન્યતા અનુભવી

વિસ્તાર-મંદિરનો વિશ્વસનીય વિકાસ થયો : કિંજલ દવે

દેવ દિવાળી અને કાર્તિકી પૂનમના પવિત્ર અવસરે ગુજરાતી લોકગાયિકા કિંજલ દવેએ અંબાજી ખાતે માઁ અંબાના દર્શન કરીને આશીર્વાદ મેળવ્યા હતા.

દિવાળીના તહેવારોમાં અંબાજી ખાતે માઁ અંબાના દર્શન કરવા મોટી સંખ્યામાં ભક્તો ઉમટી પડતા હોય છે, ત્યારે દેવ દિવાળી અને કાર્તિકી પૂનમના પવિત્ર દિવસે પણ ભક્તોનું ઘોડાપૂર અંબાજી ધામમાં જોવા મળ્યું હતું. આ પવિત્ર દિવસે મોટી સંખ્યામાં ભક્તોએ માઁ અંબાના દર્શન કર્યા હતા, ત્યારે ગુજરાતી લોકગાયિકા કિંજલ દવેએ પણ અંબાજી ખાતે માઁ અંબાના દર્શન કરીને આશીર્વાદ મેળવ્યા હતા. આ પ્રસંગે કિંજલ દવેએ જણાવ્યુ હતું કે, દેવ દિવાળી અને કાર્તિક પૂનમના અવસરે ચાચર ચોકમાં સૌ દર્શન કરી રહ્યા છે, ત્યારે મને પણ લાભ મળ્યો છે કે, હું માઁ અંબાના દર્શન કરવા અહીં આવી છું. આ તકે માતાજીને પ્રાર્થના કરું છું કે, માઁ અંબા સૌની મનોકામનાઓ પૂર્ણ કરે. સાથે જ આ વિસ્તાર અને મંદિરનો વિશ્વસનીય વિકાસ થયો હોવાનું પણ કિંજલ દવેએ જણાવ્યુ હતું.