જામનગર :કોંગ્રેસ રખડતા ઢોર મુદ્દે મેદાનમાં ઉતર્યું, ખોટી ચલણી નોટોનો વરસાદ કરી વિરોધ નોંધાવ્યો

જામનગરમાં રખડતાં ઢોર અંગે કોંગ્રેસ દ્વારા ડીએમસી પર ચલણી નોટોનો વરસાદ કરી વિરોધ કરવામાં આવ્યો હતો

author-image
By Connect Gujarat in ગુજરાત સમાચાર
New Update
જામનગર :કોંગ્રેસ રખડતા ઢોર મુદ્દે મેદાનમાં ઉતર્યું, ખોટી ચલણી નોટોનો વરસાદ કરી વિરોધ નોંધાવ્યો

જામનગરમાં રખડતાં ઢોર અંગે કોંગ્રેસ દ્વારા ડીએમસી પર ચલણી નોટોનો વરસાદ કરી વિરોધ કરવામાં આવ્યો હતો અને આગામી દિવસોમાં પશુઓ પર કંટ્રોલ નહીં રખાઇ તો કોંગ્રેસ દ્વારા ઉગ્ર આંદોલનની ચીમકી આપવામાં આવી હતી.

જામનગર મહાનગર પાલિકા દ્વારા ઢોરના મામલે બેદરકારી દાખવવામાં આવે છે તેમજ શહેરમાં ક્યાંક બાળકો અને વૃધ્ધો ઢોરના લીધે ઇજાગ્રસ્ત થાય છે અને અનેક જગ્યાએ મૃત્યુના બનાવ પણ બને છે ત્યારે આવનારા દિવસોમાં પશુઓ પર કંટ્રોલ નહીં રખાય તો કોંગ્રેસ દ્વારા ઉગ્ર આંદોલનની સ્પષ્ટ ચીમકી સાથે જામનગર કોંગ્રેસ દ્વારા ડીએમસીને આવેદન પત્ર પાઠવવામા આવ્યું હતું. આવેદન આપતી વખતે કોંગ્રેસ દ્વારા ડીએમસી એ.કે. વસતાણી પર ખોટી ચલણી નોટોનો વરસાદ વરસાવવામાં આવ્યો હતો અને વિરોધ પ્રદર્શન કરવામાં આવ્યો હતો. આ તકે ડીએમસી દ્વારા જવાબદારો સામે પોલીસ ફરિયાદ અને કડક કાર્યવાહી કરવા જણાવ્યુ હતું.

#Stray Cattle #BeyondJustNews #Congress protest #Connect Gujarat #Jamnagar #issue #Protest #Congress
Related Articles
Read the Next Article

રાજ્યના કેટલાક વિસ્તારોમાં આગામી ત્રણ કલાકમાં ભારેથી મધ્યમ અને હળવા વરસાદની આગાહી કરાઇ

રાજ્યના ઘણા વિસ્તારોમાં આજે હળવાથી ભારે વરસાદ પડ્યો છે. ભાવનગર પંથકમાં ભારે વરસાદ પડ્યો છે. તો બીજી તરફ આગામી ત્રણ કલાકમાં હળવાથી ભારે વરસાદની હવામાન વિભાગે આગાહી કરી છે

author-image
By Connect Gujarat Desk in ગુજરાત સમાચાર
New Update
વરસાદ

રાજ્યના ઘણા વિસ્તારોમાં આજે હળવાથી ભારે વરસાદ પડ્યો છે. ભાવનગર પંથકમાં ભારે વરસાદ પડ્યો છે.

તો બીજી તરફ આગામી ત્રણ કલાકમાં હળવાથી ભારે વરસાદની હવામાન વિભાગે આગાહી કરી છે. હવામાન વિભાગ અનુસાર રાજ્યના કેટલાક વિસ્તારોમાં આગામી ત્રણ કલાકમાં ભારેથી મધ્યમ અને હળવા વરસાદની આગાહી કરવામાં આવી છે.
 
રાજ્યના બનાસકાંઠા, સાબરકાંઠા, અરવલ્લી, મહેસાણા, પાટણ, ડાંગ, વલસાડ, દાદરા નગર હવેલી, દમણ, ગીર સોમનાથ, દીવ, અમરેલી, ભાવનગરમાં ગાજ વીજ સાથે ભારે વરસાદની આગાહી કરવામાં આવી છે.

જ્યારે મહીસાગર, દાહોદ, પંચમહાલ, છોટાઉદેપુર, ભરૂચ, વડોદરા, નર્મદા, તાપી, સુરત, નવસારી, આણંદ, ખેડા, ગાંધીનગર, અમદાવાદ, સુરેન્દ્રનગર, રાજકોટ, બોટાદ, જુનાગઢ અને પોરબંદરમાં મધ્યમ વરસાદની આગાહી કરવામાં આવી છે. આ ઉપરાંત કચ્છ, મોરબી, જામનગર અને દેવભૂમિ દ્વારકામાં હળવા વરસાદની આગાહી કરવામાં આવી છે.

ગુજરાતમાં છેલ્લા બે દિવસથી ભારે વરસાદ ખાબકી રહ્યો છે, સૌરાષ્ટ્રમાં ભાવનગર, અમરેલી અને બોટાદમાં ચોમાસાના પ્રથમ વરસાદે જ તબાહી મચાવી દીધી છે. ભારે વરસાદના કારણે રાજ્યના મોટાભાગના જળાશયો ભરાયા છે, જેમાં કેટલાકને હાઇ એલર્ટ અને એલર્ટ પર મુકવામાં આવ્યા છે. હાલમાં તાજા અપડેટ પ્રમાણે, રાજ્યમાં 11 જળાશયો હાઇએલર્ટ પર મુકવામાં આવ્યા છે. જેમાં 13 ડેમ એલર્ટ પર તો 10 જળાશય વૉર્નિંગ લેવલ પર મુકાયા છે. રાજ્યના 9 જળાશય 100 ટકા ભરાયા છે.

Latest Stories