• કેશોદ તાલુકાના ગ્રામ્ય વિસ્તારની ચકચારી ઘટના

• નરાધમે લગ્નની લાલચે યુવતી સાથે દુષ્કર્મ આચર્યું

• દુષ્કર્મ બાદ યુવતીના ચારિત્ર્ય પર શંકા કરી તરછોડી

• શે૨ગઢના નરાધમ યુવક વિરુદ્ધ પોલીસે ગુન્હોં નોંધ્યો

જુનાગઢ જિલ્લાના કેશોદ તાલુકાના ગ્રામ્ય વિસ્તારમાં લગ્નની લાલચ આપી નરાધમે યુવતી સાથે દુષ્કર્મ આચરતા સમગ્ર પંથકમાં ચકચાર મચી જવા પામી છે.

જુનાગઢ જિલ્લાના કેશોદ તાલુકાના ગ્રામ્ય વિસ્તારમાં આવેલ સીમશાળા ખાતે નોકરીએ જતી યુવતી દુષ્કર્મનો ભોગ બનતા ઘટનાએ સમગ્ર પંથકમાં ચકચાર જગાવી છે. મળતી માહિતી અનુસાર, યુવતી સાથે દુષ્કર્મ થયું તે પહેલાં ફરિયાદી અને યુવતી બન્ને લોકરક્ષક દળની પરીક્ષા આપવા જતાં હતાં, ત્યારે બન્નેની એકબીજા સાથે મુલાકાત થઈ હતી. આરોપીએ ફરિયાદી યુવતીને સગાઈ અને લગ્ન કરવાની લાલચ આપી અવારનવાર દુષ્કર્મ આચર્યું હતું. એટલું જ નહીં, દુષ્કર્મ બાદ યુવતીના ચારિત્ર્ય પર શંકા કરી તરછોડી દઈ લગ્ન નહીં કરતા મામલો પોલીસ મથકે પહોચ્યો હતો, ત્યારે શે૨ગઢ ગામે રહેતા નરાધમ યુવક અજિત ડાંગર વિરૂદ્ધ પોલીસે દુષ્કર્મનો ગુન્હોં નોંધી આગળની કાર્યવાહી હાથ ધરી છે.