• કન્ટેનરમાં વિદેશી દારૂની હેરાફેરી

• બોરીયાચ ટોલનાકા પાસેથી ઝડપાયું કન્ટેનર

• સ્ટેટ મોનીટરીંગ સેલે ગોઠવી હતી વોચ

• રૂ.16.84 લાખનો મુદ્દામાલ ઝડપાયો

• કન્ટેનર ચાલકની ધરપકડ પાંચ આરોપી વોન્ટેડ જાહેર

નવસારી બોરીયાચ ટોલનાકા પાસે સ્ટેટ મોનીટરીંગ સેલની ટીમે વિદેશી શરાબ ભરેલું કન્ટેનર ઝડપી લીધું હતું.અને પોલીસે રૂપિયા 16.84 લાખ ઉપરાંતનો દારૂનો જથ્થો જપ્ત કરીને પાંચ આરોપીઓને વોન્ટેડ જાહેર કર્યા હતા.

નવસારી નેશનલ હાઇવે નંબર 48 પર બોરીયાચ ટોલટેક્સ પાસે સ્ટેટ મોનીટરીંગ સેલ બાતમીને આધારે વોચ ગોઠવવામાં આવી હતી.જોકે તે દરમિયાન એક શંકાસ્પદ કન્ટેનર ટોલનાકા ખાતે આવી પહોંચતા સ્ટેટ મોનીટરીંગ સેલની ટીમ દ્વારા કન્ટેનરને અટકાવવામાં આવ્યું હતું,અને જરૂરી તપાસ શરૂ કરી હતી.પોલીસ તપાસમાં કનેક્ટર માંથી મોટા પ્રમાણમાં વિદેશી દારૂનો મોટો જથ્થો મળી આવ્યો હતો,જેમાં પોલીસે કન્ટેનર ચાલકની ધરપકડ કરી હતી.

કન્ટેનરમાંથી પોલીસે 16848 નંગ બોટલો મળી રૂપિયા 16 લાખ 48 હજાર 800નો વિદેશી દારૂ તેમજ રોકડા રૂપિયા,મોબાઈલ ફોન અને વાહન મળીને કુલ રૂપિયા 36 લાખ 92 હજાર 360નો મુદ્દામાલ જપ્ત કરીને નવસારી ગ્રામ્ય પોલીસને સોંપવામાં આવ્યો હતો.આ ઘટનામાં હાલ પોલીસે પાંચ આરોપીઓને વોન્ટેડ જાહેર કર્યા છે,જ્યારે વિદેશી દારૂનો જથ્થો ક્યાં પહોંચાડવામાં આવી રહ્યો હતો તે અંગેની વધુ તપાસ પોલીસે શરૂ કરી છે.