ગોધરાના મોરવાહડફમાંથી સરકાર દ્વારા બંધ કરાયેલ જૂની ચલણી નોટો ઝડપાઇ, અધધ રકમ જાણીને ચોંકી જશો..

ગોધરા શહેરના મોરવાહડફ પોલીસ સ્ટેશન હદ વિસ્તારમાંથી ભારત સરકાર દ્વારા બંધ કરવામા આવેલી જુની ચલણી નોટો 97 લાખ 50 હજાર રૂપિયા સાથે 6 ઇસમને SOG પોલીસે ઝડપી પડ્યા છે. મળતી માહિતી અનુસાર, પંચમહાલ જિલ્લા SOG પોલીસ ઇન્સ્પેક્ટર ને બાતમી મળી હતી કે વાઘજીપુર ચોકડી થી શહેરા તરફ એક ઈકકો ગાડીમાં કેટલાક ઈસમો ભારતીય બનાવટની સરકાર દ્વારા વપરાશમા બંધ કરવા આવેલી જૂની ચલણી નોટોનો મોટો જથ્થો લઈને મોરવા હડફ આવવાના છે.

ચોક્કસ બાતમીના આધારે બે પંચોના માણસો સાથે રાખી PSI અને મોરવા હડફ પોલીસે મોરવા હડફ તાલુકાના રામપુર ગામે રોડ ઉપર વોચ ગોઠવી હતી. તે દરમિયાન બાતમી મુજબની ગાડી આવતા ઉભી રાખી તપાસ કરતા ગાડી 6 ઈસમો અને બે થેલા મળી આવ્યા હતા. ત્યારે તેમાં તપાસ કરતા 97.50.000 /-રૂપિયાની જુની ચલણી નોટોનો જથ્થો મળી આવ્યો હતો, ત્યારે મુદ્દામાલ સાથે 6 ઈસમો ઝડપી પાડી કાયદેસરની કાર્યવાહી હાથ ધરી છે.