પાટણ : મુખ્યમંત્રી ભુપેન્દ્ર પટેલની ઉપસ્થિતિમાં ગોકુલ ગ્લોબલ યુનિવર્સિટી-સિદ્ધપુરનો પદવીદાન સમારોહ યોજાયો..

સિદ્ધપુર ખાતે મુખ્યમંત્રી ભુપેન્દ્ર પટેલ રહ્યા ઉપસ્થિત, ગોકુલ ગ્લોબલ યુનિવર્સિટીમાં યોજાયો હતો સમારોહ

New Update
પાટણ : મુખ્યમંત્રી ભુપેન્દ્ર પટેલની ઉપસ્થિતિમાં ગોકુલ ગ્લોબલ યુનિવર્સિટી-સિદ્ધપુરનો પદવીદાન સમારોહ યોજાયો..

પાટણ જિલ્લાના સિદ્ધપુર ખાતે આવેલી ગોકુલ ગ્લોબલ યુનિવર્સિટીમાં દ્વિતિય પદવીદાન સમારોહ મુખ્યમંત્રી ભુપેન્દ્ર પટેલના અધ્યક્ષસ્થાને યોજાયો હતો. મુખ્યમંત્રી ભુપેન્દ્ર પટેલ સહિત મહાનુભાવોના હસ્તે ગોકુલ ગ્લોબલ યુનિવર્સિટીના પ્રતિભાવંત છાત્રોને સુવર્ણ પદક એનાયત કરવામાં આવ્યા હતા.

આ સમારોહમાં કુલ 907 વિદ્યાર્થીઓને પદવી એનાયત કરવામાં આવી હતી. જે પૈકી 16 વિદ્યાર્થીઓને ગોલ્ડ મેડલ તથા 16 વિદ્યાર્થીઓને સિલ્વર મેડલ એનાયત કરવામાં આવ્યા હતા. કોરોના ગાઈડલાઈનના ચુસ્ત પાલન સાથે યોજાયેલ પદવીદાન સમારોહમાં રાજ્યના શિક્ષણ મંત્રી જીતુ વાઘાણી, ઉદ્યોગ મંત્રી જગદીશ વિશ્વકર્મા તથા ગોકુલ ગ્લોબલ યુનિવર્સિટીના પ્રમુખ અને GIDCના ચેરમેન બળવંતસિંહ રાજપૂત વિશેષ ઉપસ્થિત રહ્યા હતા.

Read the Next Article

ભરૂચ: મોંઘી બ્રાન્ડની બોટલોમાં સસ્તો દારૂ ભરી વેચવાનું કૌભાંડ ઝડપાયું, આરોપીની ધરપકડ

આરોપી દિપક વિરાસ એક હજારની કિમંતના ચાર પાઉચ અને પાણીની મદદથી દારૂ બ્રાન્ડેડ બોટલમાં ભરતો હતો. આ બોટલો તે બુટલેગરોને 2,000થી વધારેની કિમંતના ભાવે વેચતો હોવાનો ખુલાસો થયો છે.

New Update
IMG-20250711-WA0007
ભરૂચના શીતલ સર્કલ નજીક આવેલસી.આર.ચેમ્બર્સ કોપ્લેક્સમાં પાછળ બીજા માળે લોબીમાં અગાઉ વિદેશી દારૂની હેરાફેરીમા પકડાયેલ દિપક ઉર્ફે બોબી વિરાસ સસ્તા ભાવના વિદેશી દારૂના પાઉચ લાવી તેને નામાંકિત વિદેશી દારૂની બ્રડિડ બોટલોમાં ભરી અને વેચાણ કરે છે તેવી બાતમી એલસીબીના પીએસઆઈ દિપસિંહ તુવરને મળી હતી.

મોંઘી બ્રાન્ડની બોટલોમાં સસ્તો દારૂ ભરી વેચવાનું કૌભાંડ

પોલીસે દરોડો પાડતાં વિદેશી દારૂના પાઉચ અને બોટલ નંગ 353 મળી આવ્યાં હતાં.આરોપી દિપક વિરાસ એક હજારની કિમંતના ચાર પાઉચ અને પાણીની મદદથી દારૂ બ્રાન્ડેડ બોટલમાં ભરતો હતો. આ બોટલો તે બુટલેગરોને 2,000થી વધારેની કિમંતના ભાવે વેચતો હોવાનો ખુલાસો થયો છે. આરોપીની પૂછપરછ કરવામાં આવતાં તે ટ્રેનમાં સિંગ ચણા વેચનાર રાજુ વાઘરી સુરતથી ભંગારની દુકાનમાંથી ખાલી બોટલો, સ્ટીકર્સ તથા અન્ય સામગ્રીઓ લાવી આપતો હોવાની કબૂલાત કરી હતી. બ્રાન્ડેડ બોટલમાં પાઉચનો દારૂ ભરવામાં આવતો હતો. આ રીતે તૈયાર થયેલી બોટલો સલમાન, કૃપેશ શંકર કહાર તથા અનીશ રાણાને વેચાણ કરતો હતો. પોલીસે કુલ 1.85 લાખનો મુદ્દામાલ જપ્ત કર્યો છે. આ કેસ રાજુ વાઘરી, કૃપેશ કહાર, અનીશ રાણા અને સલમાનને વોન્ટેડ જાહેર કરવામાં આવ્યાં છે.