તાપી : રાજ્યકક્ષાના 76માં પ્રજાસત્તાક પર્વની તૈયારીઓને અંતિમ ઓપ અપાયો, વહીવટી તંત્ર અને પોલીસ વિભાગ સજ્જ બન્યું

વ્યારા નગરમાં દેશભક્તિનો રંગ છલકાયો છે. સેવા સદન સહિત તમામ સરકારી કચેરીઓ અને જાહેરસ્થળોને રંગબેરંગી લાઈટો અને આકર્ષક રંગોળીઓથી શણગારવામાં આવ્યા

author-image
By Connect Gujarat Desk in ગુજરાત સમાચાર
New Update

  • તા. 26મી જાન્યુયારીએ 76માં પ્રજાસત્તાક પર્વની ઉજવણી કરાશે

  • રાજ્યકક્ષાના 76માં પ્રજાસત્તાક પર્વની તાપી જીલ્લામાં ઉજવણી થશે

  • વહીવટી તંત્ર અને પોલીસ વિભાગ દ્વારા તમામ તૈયારીઓને ઓપ

  • પ્રજાસત્તાક પર્વની ઉજવણી પૂર્વે વિવિધ ઝાંખીઓ રજૂ કરવામાં આવી

  • મોટી સંખ્યામાં તંત્રના અધિકારીઓ અને નગરજનો ઉપસ્થિત રહ્યા

Advertisment

તાપી જિલ્લા ખાતે તા. 26મી જાન્યુયારીએ રાજ્યકક્ષાના 76માં પ્રજાસત્તાક પર્વની ભવ્ય ઉજવણીનું આયોજન કરવામાં આવ્યું છે, ત્યારે આ ઉજવણીના ભાગરૂપે વહીવટી તંત્ર અને પોલીસ વિભાગ દ્વારા સોનગઢ ખાતે વિવિધ ઝાંખીઓ રજૂ કરવામાં આવી હતી.

76માં પ્રજાસત્તાક પર્વને લઈને સમગ્ર ભારતવર્ષ હાલ દેશભક્તિના રંગે રંગાયું છે. ગુજરાત રાજ્યમાં પણ ઠેર-ઠેર પ્રજાસત્તાક પર્વની દબદબાભેર ઉજવણી થનાર છે, ત્યારે તાપી જિલ્લામાં રાજ્યકક્ષાના પ્રજાસત્તાક પર્વની ઉજવણીને લઈને સમગ્ર વ્યારા નગરમાં દેશભક્તિનો રંગ છલકાયો છે. સેવા સદન સહિત તમામ સરકારી કચેરીઓ અને જાહેરસ્થળોને રંગબેરંગી લાઈટો અને આકર્ષક રંગોળીઓથી શણગારવામાં આવ્યા છે, જે નગરજનો માટે આકર્ષણનું કેન્દ્ર બની રહ્યા છે.

તો બીજી તરફ, 76મા પ્રજાસત્તાક પર્વની પૂર્વસંધ્યાએ રાજ્યપાલની ઉપસ્થિતિમાં મુખ્યમંત્રી ભુપેન્દ્ર પટેલના હસ્તે 240 કરોડના 61 કામના ઇ-લોકાર્પણ તેમજ ખાતમુહૂર્ત કરવામાં આવશે, જેને લઈ તાપી જિલ્લા વહીવટી તંત્ર મહિનાઓથી સતર્ક થઈ કામગીરીમાં જોતરાયું છે.

આ સાથે જ પ્રજાસત્તાક પર્વની ઉજવણી પૂર્વે વહીવટી તંત્ર અને પોલીસ વિભાગ દ્વારા સોનગઢ ખાતે વિવિધ ઝાંખીઓ રજૂ કરવામાં કરવામાં આવી હતી. જેમાં મોટી સંખ્યામાં તંત્રના અધિકારીઓ તેમજ નગરજનો ઉપસ્થિત રહ્યા હતા.

#26th January #76th Republic Day #Republic Day celebrations #Republic Day #પ્રજાસત્તાક પર્વ #પ્રજાસત્તાક દિવસ #Tapi News #પ્રજાસત્તાક
Advertisment
Related Articles
Read the Next Article

સંઘપ્રદેશ દમણમાં થયેલી રૂ. 1.33 કરોડની ચોરીનો ભેદ પોલીસે ઉકેલી કાઢ્યો, દાહોદથી 3 તસ્કરોની ધરપકડ

તસ્કરોએ રાત્રે 2 વાગ્યા બાદ ઘરમાં પ્રવેશ કરી ચોરીની ઘટનાને અંજામ આપ્યો હતો. તસ્કરોએ સોનું અને 8 હજાર UK પાઉન્ડની રોકડ રકમની ચોરી કરી ફરાર થઈ ગયા હતા

author-image
By Connect Gujarat Desk in ગુજરાત સમાચાર
New Update

  • સંઘપ્રદેશ દમણ ક્રાઇમ બ્રાન્ચ પોલીસને મળી સફળતા

  • 20 દિવસમાં જ રૂ. 1.33 કરોડની ચોરીનો ભેદ ઉકેલ્યો

  • દાહોદ ખાતેથી 3 આંતરરાજ્ય તસ્કરોની ધરપકડ કરી

  • સોનું અને 8 હજાર UK પાઉન્ડ રોકડની થઈ હતી ચોરી

  • પોલીસે 18 લાખ રૂપિયાનું 26 તોલા સોનું રિકવર કર્યું 

Advertisment

સંઘપ્રદેશ દમણ પોલીસે માત્ર 20 દિવસમાં જ મોટી દમણમાં થયેલી રૂ. 1.33 કરોડની ચોરીનો ભેદ ઉકેલી કાઢી 3 આંતરરાજ્ય તસ્કરોની ધરપકડ કરી રૂ. 18.17 લાખની કિંમતનું 261.530 ગ્રામ સોનું જપ્ત કર્યું છે.

ગત તા. 28 ફેબ્રુઆરી-2025ના રોજ સંઘપ્રદેશ દમણના મોટી દમણ વિસ્તારમાં આવેલ મંદિર શેરી વિસ્તારમાં રહેતા ઇશ્વરભાઈ ટંડેલના ઘરમાંથી ચોરી થઈ હતી. ટંડેલ પરિવાર લંડનથી ભારત આવ્યો હતો, ત્યારે તસ્કરોએ રાત્રે 2 વાગ્યા બાદ ઘરમાં પ્રવેશ કરી ચોરીની ઘટનાને અંજામ આપ્યો હતો. તસ્કરોએ સોનું અને 8 હજાર UK પાઉન્ડની રોકડ રકમની ચોરી કરી હતી. આ સાથે જ શ્રી રણછોડરાયજી મંદિરની દાનપેટીમાં રહેલ 20થી 25 હજારની રોકડ પર હાથફેરો કર્યો હતો. સમગ્ર મામલે દમણ ક્રાઇમ બ્રાન્ચના PSI ભરત પરમારના નેતૃત્વમાં તપાસ શરૂ કરવામાં આવી હતી.

જેમાં ટેકનિકલ એનાલિસિસ અને હ્યુમન ઇન્ટેલિજન્સના આધારે દાહોદથી 3 આરોપીઓની ધરપકડ કરવામાં આવી હતી. ચોરીને અંજામ આપનાર મુખ્ય આરોપી ભરત મોતીલાલ પંચાલ જે 50થી વધુ ગુનાઓમાં સંડોવાયેલો છે. તે ગુજસીટોક હેઠળ સજા પણ ભોગવી ચૂક્યો છે, જ્યારે અન્ય 2 આરોપીઓમાં જિજ્ઞેશ રાજુભાઈ પંચાલ અને પંકજકુમાર ઉર્ફે પુનીત ભરતભાઈ સોનીનો સમાવેશ થાય છે.

પોલીસે આરોપીઓ પાસેથી 18 લાખ રૂપિયાનું 26 તોલા સોનું પણ રિકવર કર્યું છે. હાલ સમગ્ર મામલામાં વધુ લોકો સામેલ હોય તેવું પોલીસ જણાવી રહી છે, ત્યારે આગામી તપાસમાં વધુ લોકોને પોલીસ દ્વારા પકડવાની હિલચાલ શરૂ કરવામાં આવી છે. દમણ પોલીસની ઝડપી કાર્યવાહીથી સ્થાનિક લોકોમાં પોલીસ પ્રત્યે વિશ્વાસ વધ્યો છે.

#Daman Crime Branch Police #ધરપકડ #Theft Case #Smugglers #Daman
Advertisment